Facebook Telegram Twitter Instagram YouTUBE


 

Baş saife  >  Derc  >  Haberler  >  27 Kiçik ay 2019, 09:02

"İşğal etilgen Qırım: 5 yıllıq qarşılıq kösterüv" V Halqara forum: tedbir videosı

2019 senesi fevralniñ 27-de Kiyevdeki Sanat Arsenalında "İşğal etilgen Qırım: 5 yıllıq qarşılıq" degen V Halqara forum keçe.

"Forumnıñ esas maqsadı, HSN-niñ Qırım mevzusında keçirilgen başqa tedbirleri kibi, - bütün dünyağa "qırımlılarnıñ demokratik seçimi" Rusiyeniñ Ukrainağa qarşı nevbetteki cinayeti, arbiy işğal olğanını köstermektir. Cinayetlerden daa biri, olar arasında Kök Yüzüniñ öldürülmesi, Donbasstaki tecavuz ve onıñ Rusiyede "grajdan cenki" olaraq kösterilmesi", - dep, qayd etti matbuat konferentsiyasında Ukraina haber siyaseti Naziriniñ Birinci muavini Emine Ceppar.

Forum üç panel munaqaşadan ibaret, munaqaşalar vaqtında Qırımnıñ qaytarılması içün milliy ve halqara küreş aletleri muzakere etilecek, ondan ğayrı, ilhaq etilgen yarımadada insna aqqlarınıñ bozulmasına diqqat ayırmaq içün uquqimaye saasında munaqaşa keçirilecek.

Munaqaşağa Ukraina Yuqarı Şurası, Ukraina Nazirler Kabineti, Ukraina Prezidenti Memuriyeti, RNBO, Milliy Meclis, diplomatik müessiseler ve temsilciliklerniñ vekilleri, belli halqara ekspertler, uquqimayecileri, cemaat erbapları ve qoşulmağa istegen başqa şahıslar ve teşkilâtlar davet etilgen.


Cedvel