Facebook Telegram Twitter Instagram YouTUBE


 

Baş saife  >  Derc  >  Haberler  >  22 Kiçik ay 2019, 14:02

D.Zolotuhin Rusiye saylavlarğa yapabilecek tesirler aqqında aytıp berdi

Fevralniñ 21-de Ukraina haber siyaseti Naziriniñ muavini Dmıtro Zolotuhin  "National Democratic Institute"niñ hadimlerinen körüşti.

Nazir muavini NDI ekspertlerine saylavlarda Rusiye yapabilecek tesirler ve Kreml teşviqatınıñ keniş tarqatılması boyunca tevsiyeler berdi. D.Zolotuhin Ukrainada saylavlarğa Rusiye kirişmesiniñ olabilgen variantlarını seslendirdi: merkeziy saylav komiteti saytınıñ bozulması, rusiye KHV seyircilerine saylavlarınıñ feyk rezultatlarını tarqatuv, rusiyedeki "troplar fabrikasınıñ" kütleviy bot-ucumları.

"Mart ayı kelgende, media içün Rusiyeden suv kibi paralar aqıp başlar. Faqat, rusiye teşviqatı daima tekrarlana — yañı feykler artıq çalışqan narativler ağlarında yaratılacaq", - dep, añlattı Nazir muavini.

Tamam şu sebepten, Zolotuhinniñ sözlerine köre, informatsion boşluqnıñ talili içün saylavlar arfesinde HSN-nıñ "2014-2018 seneleri Ukrainağa qarşı mahsus informatsion öpretsiyalarnıñ Beyaz kitabı" degen leyhası bir-de-bir hrestomatiya sayılır. Bu kitapta Ukrainada olğan vaziyet boyunca Kremlniñ eñ belli narativleri toplanğan.

Tedbirde gruppa reberi ve analitik Stefan Şved, gender ve inklüzivlik meselelerinden analitik Maka Meşveliani, informatsion müit analitigi Kelvin Garner, parlament programmasınıñ üyken meneceri Yarina Ödinak ve siyasiy partiyalar içün programma koordinatorı Tetâna Karas iştirak ettiler.

Hatırlatamız, fevralniñ 12-de "2014-2018 seneleri Ukrainağa qarşı mahsus informatsion öpretsiyalarnıñ Beyaz kitabı" temsil tedbiri olıp keçti..


Cedvel