Facebook Telegram Twitter Instagram YouTUBE


 

Baş saife  >  Derc  >  Haberler  >  22 Kiçik ay 2019, 15:02

HSN: Kiyevde "İşğal etilgen Qırım: 5 yıllıq qarşılıq kösterüv" - V Halqara forumı keçecek

2019 senesi fevralniñ 22-de "Ükrinform" haber agentliginiñ matbuat merkezinde "İşğal etilgen Qırım: 5 yıllıq qarşılıq" V Halqara forumınıñ temsil tedbiri" mevzusında matbuat konferentsiyası keçti.

Matbuat konferentsiyası vaqtında Qırım işğaliniñ 5-ci yıllığına Ukraina haber siyaseti Naziriliginen ve başqa müessiselernen keçirilecek tedbirler aqqında laf yürsetildi. Böyleliknen, fevralniñ 26-da aqşam Sanat Arsenalında "İşğal etilgen Qırım: 5 yıllıq qarşılıq" V Halqara Forumınıñ tantanalı açılışı olacaq.

"Forumnıñ esas maqsadı, HSN-niñ Qırım mevzusında keçirilgen başqa tedbirleri kibi, - bütün dünyağa "qırımlılarnıñ demokratik seçimi" Rusiyeniñ Ukrainağa qarşı nevbetteki cinayeti, arbiy işğal olğanını köstermektir. Cinayetlerden daa biri, olar arasında Kök Yüzüniñ öldürülmesi, Donbasstaki tecavuz ve onıñ Rusiyede "grajdan cenki" olaraq kösterilmesi", - dep, qayd etti matbuat konferentsiyasında Ukraina haber siyaseti Naziriniñ Birinci muavini Emine Ceppar.

Forumnıñ özü fevralniñ 27-de keçecek. Forum üç panel munaqaşadan ibaret olacaq, munaqaşalar vaqtında Qırımnıñ qaytarılması içün milliy ve halqara küreş aletleri muzakere etilecek, ondan ğayrı, ilhaq etilgen yarımadada insna aqqlarınıñ bozulmasına diqqat ayırmaq içün uquqimaye saasında munaqaşa keçirilecek.

Munaqaşağa Ukraina Yuqarı Şurası, Ukraina Nazirler Kabineti, Ukraina Prezidenti Memuriyeti, RNBO, Milliy Meclis, diplomatik müessiseler ve temsilciliklerniñ vekilleri, belli halqara ekspertler, uquqimayecileri, cemaat erbapları ve qoşulmağa istegen başqa şahıslar ve teşkilâtlar davet etilgen.

Forumğa KHV qayd etilmesi fevralniñ 26-nace saat 15.00-ke qadar  [email protected] adresi boyunca keçirile.

"Khırım evi" devlet müessisesiniñ müdiri Alim Aliyev haber etkenine köre, fevralniñ 26-da Forum çerçivesinde "Acayip Qırım ikâyeleri" degen sergi açılacaq. Sergi Qırımnı unikal mültimedeniyet meydanı ve Ukraina medeniy hazinesiniñ ayrılmaz qısmı olaraq taqdim etecek.

Forumğa KHV qayd etilmesi fevralniñ 26-nace saat 15.00-ke qadar  [email protected] adresi boyunca keçirile.

KHV vekilleri fevralniñ 27-de saat 8.30-ğace kelmek kerek. Yanlarında mıtlaqa hızmet varaqası olmalı.

Sergi ve Forum açılışına (fevral 26-da) KHV vekilleriniñ qayd etilmesi aqqında qoşma malümat berilecek.


Cedvel