Facebook Telegram Twitter Instagram YouTUBE


 

Baş saife  >  Derc  >  Haberler  >  15 Kiçik ay 2019, 13:02

HSN: UA|TV Belorusiyeniñ kabel ağlarına peyda oldı

Ukraina tış yayınlavı Mültimedia platformasınıñ UA|TV telekanalı Belorusiye Cumhuriyetiniñ kabel ağlarında peyda oldı. Bu aqta Belorusiyede telekanalnıñ resmiy distribyüteri "Navigator TV" şirketi haber ete.

Bildirmege köre, endiden UA|TV "Zemaneviy elektron tehnologiyalar" kabel ağlarınıñ ve "Efir" şirketleriniñ dijital paketindeki abunecilerine irişimlidir.

"Navigator TV" şirketiniñ müdiri Vadım Tihanoviçniñ sözlerine köre, eñ yaqın zamanda UA|TV daa bir qaç ağlarğa kirsetilmesi planlaştırıla, hususan regional kanallarnıñ, bu aqta ayrıca haber etilecek.  

"Eger açıqçasına aytsaq, UA|TV Belorusiye Cumhuriyetiniñ kabel ağlarına kirsetilgen birinci ukrain telekanalı oldı. Amma eminim, bizden soñ başqa ukrain kanalları da mında peyda olur, çünki Ukrainadan kelgen ve Ukraina aqqında malümat belrusiyedeki vatandaşlar içün pek meraqlıdır", - dep, qayd etti "Ukraina tış yayınlavınıñ Mültimedia platforması"nıñ müdiri Lüdmıla Berezovska.

Hatırlatamız, yanvarniñ 24-de UA|TV Belorusiye Cumhuriyetiniñ kabel ağlarında tarqatıluv içün ruhsetname alğan edi.


Cedvel