Facebook Telegram Twitter Instagram YouTUBE


Baş saife  >  Derc  >  Haberler  >  8 Kiçik ay 2019, 10:02

D.Zolotuhin: Eñ kiçik internet qullanıcılarınıñ telükesizlik meselesi pek keskin tura

2019 senesi fevralniñ 7-de Ukraina haber siyaseti Naziriniñ muavini Dmıtro Zolotuhin Daa telükesiz internet kününe Ukraina tasil ve ilim Nazirliginen ve  "Google Ukrayina"nen teşkil olunğan "Tasil saasında kibertelükesizlik" degen tögerek masada iştirak etti.

Muzakere vaqtında Nazir muavini qayd etkenine köre, eñ kiçik internet qullanıcılarınıñ telükesizlik meselesi pek kergindir, çünki olar laf etip başlağanından evel qoluna telefonlarnı alalar. 

"Balalar içün internetni daa telükesiz yapmaq içün ana-babalarını bilgisayar savatlığınıñ esas qaidelerine ögretmek kerek. Mından, menimce, böyle maarifçilik işniñ meselesi pek aktual yerge tura. Regional treningler vaqtında bir qaç biñ kişilik auditoriyanı qaplap almaq mümkün bu ise obyektiv şekilde yetişmezlik, em de, Ukrainada beş millionndan ziyade bala bar olğanını diqqatqa alıp", - dep, qayd etti D.Zolotuhin.

Bundan ğayrı, tögerek masa iştirakçileri oquv yurtları içün kibertelükelerge qarşılıqnı, balalar içün telükesiz internet ekosisteması, Ukrainada kibertelükesizlik seviyesini ve devlet sektorı saytlarınıñ kiberqoruvı meselelerini muzakere ettiler. 

Qayd etemiz, Daa telükesiz internet Künü 2004 senesi qayd etilmege başladı.  2019 senesi bu kün "Daa yahşı internet içün birlikte" şiarı altında qayd etile. 130 memleket pozitiv deñişmeler ve onlayn telükesizlik meselelerinden tasil seviyesini arttıruv içün öz areketlerini birleştirdiler.

Hatırlatamız, 2019 senesi fevralniñ 5-de Daa telükesiz internet Kününe Ukraina haber siyaseti Nazirligi "Google Ukrayina" ile birlikte "Daa telükesiz internet içün Google aletleri ve imkânları" degen master-klass keçirdiler.


Cedvel