Facebook Telegram Twitter Instagram YouTUBE


Baş saife  >  Derc  >  Haberler  >  7 Kiçik ay 2019, 16:02

HSN M.Semenanıñ ingliz tiline çevirilgen "Qırım reportajı" kitabını taqdim etti

2019 senesi fevralniñ 7-de Ukraina Nazirler Kabinetiniñ matbuat-merkezinde ilhaq etilgen Qırımda qanunsız mahküm etilgen ukrain jurnalisti Mıkola Semenanıñ "Qırım reportajı" (2014-2016 seneleri Qırım işğaliniñ vaqianamesi) degen kitapnıñ ingliz tiline tercimesi taqdim etildi. Kitap Ukraina haber siyaseti Nazirliginiñ destegi ile tercime etildi.

Ukraina haber siyaseti Naziriniñ Birinci muavini Emine Ceppar haber etkenine köre, kitapnıñ 1 biñ nushası çıqarıldı. 

"Mıkola Semenağa yazmağa ve halq ögünde faaliyet alıp barmağa yasaq. Aman-aman 50 yıldan berli jurnalistikasınen oğraşqan insan içün — bu, işkence. Onıñ içün kitap vastasınen onıñ fikirlerini ve sözlerini ileriletmek — oña qol tutmaq bir vastadır. Bunen beraberlikte, Mıkola Semenanıñ kitabı — bu, aqiqiy kerçektir ve eger onı oqumayıp, tek Kreml nezaretindeki haber vastalarını oqusan kerçekni iç bir vaqıt ögrenmezsin. İngliz tili bu aqiqatnı bütün dünya boyunca bu aqiqatnı tarqatmağa imkân bere", - dep, qayd etti E.Ceppar. 

Tedbirde Azatlıq Radiosınıñ "Qırım. Aqiqat" hızmetiniñ reberi ve baş muarriri Volodımır Prıtula iştirak etti.

Hatırltamız, 2017 senesi sentâbrniñ 22-de, Kreml nezaretindeki Aqmescitniñ Demiryol mahkemesi, "Azatlıq Radiosı" ve "Qırım.Aqiqat" hızmetleriniñ müellifi M.Semenağa üküm çıqardı. O vaqıt jurnalistke eki buçuq yıl ve üç yıl şartlı müddet tayin etildi. Bundan ğayrı, oña halq ögündeki faaliyet yasaqlandı. Bundan soñ mahkeme qoşma ceza qısmında jurnalistniñ ükümini yımşattı — halq ögündeki faaliyetke yasaqnı üç yıldan eki yılğace qısqarttı.

Hatırlatamız, 2017 senesi dekabrniñ 21-de Qırım evinde M.Semenanıñ "Qırım reportajı" degen kitabı taqdim etildi. Kitap Ukraina haber siyaseti Nazirliginiñ destegi ile neşir etildi. Keçken seneniñ soñunda kitap ingliz tiline tercime etildi.


Cedvel