Facebook Telegram Twitter Instagram YouTUBE


Baş saife  >  Derc  >  Haberler  >  7 Kiçik ay 2019, 10:02

HSN "Google Ukrayina" ile birlikte Daa telükesiz internet Kününe açıq master-klass keçirdiler

2019 senesi fevralniñ 5-de Telükesiz internet Kününe Ukraina haber siyaseti Nazirligi "Google Ukrayina" ile birlikte "Daa telükesiz internet içün dijital aletler ve Google imâknları" degen açıq master-klass keçirdiler.

Tedbir vaqtında Haber siyaseti Naziriniñ Birinci muavini Emine Ceppar qayd etkenine köre, dijital telükesizlik meselesi pek aktualdir, hususan RF tarafından melez tecavuz şaraitinde.

"Daima yañı telükeler peyda ola ve, oña binayen, khoruv aletleri de yaratıla, tamam olar aqqında bilmek ve er vaqıt öz dijital kompetentligimizni yañartmaq kerek. Bizim master-klassımız ilk-evelâ mektep ocalarına, pedagoglarğa ve aliy oquv yurtlarınıñ ocalarına baqtırılğan. Olar ise alğan bilgilerini ileride talebeler ve studentlerge ögretecekler", - dep, qayd etti o.

"Google for Education" idmanı Antonina Bukaç şahsiy virtual odasında aynı zamanda em onlayn-, em de oflayn-dersler keçirip, masterk-lass iştirakçilerinen canlı yayında vazifelerni becerdi. 

Daa telükesiz internet Künü (Safer Internet Day) 2004 senesi Avropa Birliginiñ "SafeBorders" leyhası teşebbüsi ile yaratıldı ve fevral ayınıñ er ekinci salısı Avropa memleketlerinde İnformatsion cemiyet ve KHV meselelerinjen Avropa komissiyasınıñ nezareti altında keçirile. Halqara daa telükesiz internet künü daa telükesiz ve tehnologiyalarnıñ binayen işletilmesi, hususan balalar ve yaşlar arsında işletilmesine baqtırılğandır.

2019 senesi bu künü "Eñ yahşı internet içün birlikte" şiarı altında qayd etile. 130 memleket pozitiv deñişmeler ve onlayn telükesizlik meselelerinden tasil arttırılması içün  öz areketlerini birleştirdi.


Cedvel