Facebook Telegram Twitter Instagram YouTUBE


Baş saife  >  Derc  >  Haberler  >  6 Kiçik ay 2019, 12:02

HSN "YouTube"ta siyasiy maqsatlarnen RF aletleriniñ qullanılması boyunca bildirme yaptı

Ukraina haber siyaseti Nazirligi Ukraina vatandaşlarını Rusiye Federatsiyasınen taqip etilmesi faktları ve "YouTube" videohostingi hızmetiniñ aletlerini rusiye taarfınen işletilmesi faktları aqqında haber ete.

Soñki yıllar devamında RF "YouTube" videohostingi hızmetiniñ  qaidelerini qullanıp, ilhaq etilgen Qırımda olğan kerçek vaziyetni açıqlağan malümatnı silmege tırışa, hususan, Volodımır Putin rejiminiñ qurbanları olğan vatandaşlarnıñ taqip etilmeleri aqqında. 

HSN-ge "Jurnalistik araştırmalar merkezi" haber agentligi muracaat etti. Çünki olarnıñ uquqimayeci Emir Üsein-Kukunıñ tutulması aqqında video "YouTube"ta bağ, informatsion tehnologiyalar ve kütleviy kommunikatsiyalar saasında RF Federal hızmetiniñ ("Roskomnadzorr" denilgen hışçmet) teşebbüsi ile blok etile bile. 

"Jurnalistik araştırmalar merkezi" haber agentligi Ukrainada resmiy şekilde qayd etilgen KHV dep sayıla. Bu agentlik 2014 senesi işğalciler jurnalistlerge ve media vastalarına basqı kösterip başlağan soñ, Qırımdan Kiyevge köçmege mecbur qaldı. 

"Roskomnadzor"nıñ şikâyeti esaslanmağan ve kerçek olmağan, idare etici harakterini taşiy. Bu şikâyet RF cinayetleri aqqında aqiqatnıñ gizlenmesine baqtırılğandır.

HSN böyle areketlerni kelişmez ve "Rozkomnadzor"nıñ  dünyadaki eñ belli bağ vastası olğan "YouTube"nı kendi maqsatlarınen işletmege tırışqanını masqaralıq dep saya. 

Bu areketler söz serbestligini yoq etmek, duşmanlıqnı arttırmaq ve insan aqqlarını aşaytmaq maqsadınen yapıla.


Cedvel