Ukraina haber siyaset nazirligi


HSN: "Dâkuyu" filmi açıq irişimde peyda oldı

Ukraina haber siyaseti Nazirliginiñ destegi ile çıqarılğan "Dâkuyu" qısqametrolı filmi onlayn şekilde açıq irişimde peyda oldı.

Film üç tilde irişimli — ukrain, ingliz ve yapon tillerinde. 

"Endiden yaşlar özüniñ ecnebiy dostları içün qıntavlı bir müimtte film kösterişlerini teşkil ete bile. Ukrainanı çetelde taqdim etken ükümetçiler, devlet müessiseleri ve cemaat teşkilâtları ise bu filmnen tedbirlerni açabileler", - dep, qayd etti Halqara kommunikatsiya meselelerinden Ukraina haber siyaseti Nazirinini mesleatçısı Marına Sobotük. 

Hatırlatamız, 2018 senesi oktâbr ayında "Dâkuyu" filmi Hırvatistannıñ Zagreb şeerinde “Zagreb Tourfilm Festival” kinofestivalinde “Special awards” mahsus mukâfatqa nail olundı. 

Bundan evel, "Dâkuyu" qısqametrolı filmi Latviyadaki Rigada "Tourfilm Riga 2018" 11-ci turistik filmler Halqara festivalinde "Turistik yöneliş — Region" nominatsiyasında ekinci yerni aldı. Aprel ayında "Dâkuyu" Romaniyada er aylıq "Short to the point" halqara festivalinde "eñ yahşı montaj" nominatsiyasında ğalebe qazandı.

Dâkuyu" filmi Ukrainanı Yaponiya turistiniñ közünen meraqlı, musafirçen, özgün memleket kibi köre. Filmni HSN sımarışına "Best Friends Film" çıqarğan. "Dâkuyu" filmi artıq Tokio, Kiyev, Harkiv, Ostrog ve Lvivde taqdim etilgen.

Film kösterişleri bir çoq Ukraina şeerinde ve çetelde keçti, hususan Yaponiyanıñ Tokio ve Köbe şeerlerinde.

[an error occurred while processing this directive]