Facebook Telegram Twitter Instagram YouTUBE


Baş saife  >  Derc  >  Haberler  >  31 Qara qış ayı 2019, 10:01

HSN: "Krutı 1918" adlı tarihiy film taqdim etildi

2019 senesi yanvarniñ 29-da Krutı uruşınıñ 101 yıllığına bağışlanıp, paytahtnıñ "Kiyiv" adlı kinoteatrinde rejisser  Oleksiy Şaparayevniñ "Krutı 1918" filmi taqdim etildi. Prokatqa film fevralniñ 7-de çıqacaq.

Temsil tedbiri munasebetinden keçirilgen matbuat konferentsiyası vaqtında Ukraina haber siyaseti Nazirliginiñ devlet kâtibi Artem Bidenko çekim gruppasına ve film çıqarılmasına qoşulğanlarğa teşekkürlerini bildirdi.

"Bugün biz olğan küçümiznen Rusiye tarafından yapılğan tecavuzğa qarşılıq köstergende tarihımıznıñ tarihiy saifelerini köterip, olarnı adamlarğa köstermege pek müimdir. Bu büyükten-büyük kinematografik iş, halqımız pek küçlü olğanını ve episi qıyınlıqlardan keçecegini köstere. Ukrain kinosı — olacaq!", - dep, qayd etti o. 

Kino meselelerinden Ukraina Devlet agentliginiñ başlığı Pılıp İllenko qayd etkenine köre, bugünki şaraitte tarihiy kino yaratmaq — qolay degil, amma bu pek müim bir vazife.

"Krutı 1918" filminiñ leyhası Devlet kinosınıñ oyun tematik filmleri sessiyasınıñ Doquzıncı konkurs seçimlerinde ğaliplerden biri olıp,  26 mln grn köleminde devletten para yardımını aldı.

Bediiy film 1918 senesi qışta Krutı demiryol stantsiyasında yüz bergen tarihiy qaramaniy uruş boyunca tarihiy ekşn janrında çıqarılğan.


Cedvel