Facebook Telegram Twitter Instagram YouTUBE


Baş saife  >  Derc  >  Haberler  >  30 Qara qış ayı 2019, 10:01

HSN: Herson vilâyetiniñ informatsion meydanında olğan vaziyet boyunca esabat taqdim etildi

2019 senesi yanvarniñ 29-da "Ükrinform" haber agentliginde Qırım haber reintegratsiyası Strategiyasınıñ ömürge keçirilmesi çerçivesinde "Herson vilâyetiniñ informatsion meydanı: vaziyeti, meseleleri ve vaziyet eyileşmesiniñ yolları" degen temsil tedbir olıp keçti.

Araştırmanıñ maqsadı — Herson vilâyetiniñ meselelerine diqqat celp ettirip, anda vaziyet eyilegmeis içün devlet ve grajdan cemiyeti daa neler yapabilecegi aqqında, anda nasıl kommunikatsion sistemalar qurulabilecegi ve bozuyıcı tesirlernen nasıl küreşmege mümkün olğanları aqqında munaqaşalar keçirmek.

"İnformatsion telükesizlikniñ iç quşağı — bu, ilhaq etilgen territoriyalarğa ve RF sıñırına yaqın olğan episi regionlar. Tamam şu regionlarda tecavuzcı mahsus operatsiyalar keçire, ealige tesir etmek içün ayrı aletlerni işlete. Bu informatsion meydanda neler olğanını bilmek pek müimdir. Bu araştırmanıñ sayesinde er şey daa aydın körüne. Bu ise leyhalarımıznıñ ömürge keçirilmesi aqqında qararlar çıqarğanda bizge daa çoq bilgi ve añlam berecek", - dep, qayd etti tedbir vaqtında Ukraina haber siyaseti Naziriniñ Birinci muavini Emine Ceppar.

Onıñ sözlerine köre, ilhaq territoiyalarğa yaqın olğan informatsion meydannıñ qoruvı içün üç esas vazifeni becermek kerek: kanunsız signalnı blok etmek, ukrain yayınlavını inkişaf ettirme ve Ukrainanıñ emiyetini arttıracaq köntentniñ yaratılmasına qol tutmaq. E.Ceppar bugün taqdim etilgen esabat bu vazifelerniñ çezilmesinde yardım eteceginden emin. 

"İnformatsion saada yañı telükelerniñ añlamı ve olarnı çeziv yolları tek Ukrainada degil de, onıñ tışında da şekillene. Merkeziy ve regionla seviyelerde devlet programmalarınıñ işlep çıqarılmasına grajdan cemiyetiniñ celp ettirilmesi, bu ketişatnıñ iştirakçilerinde bilgi seviyesiniñ köterilmesi ve yañı usullarnen tanış olmaları, merkeziy ve regional seviyeler arasında koordinatsiya bugünki künde pek müimdir", - dep, qayd etti Qırım haber reintegratsiyası meselelerinden Haber siyaseti Naziriniñ mesleatçısı, "Telükesizlik studiyalarınıñ Ukraina fundatsiyası" cemaat teşkilâtınıñ yolbaşçısı Yuliya Kazdobina.

Tedbirde "Jurnalistik araştırmalar merkezi" haber agentliginiñ baş muarriri Valentina Samar ve "Telükesizlik studiyalarınıñ Ukraina fundatsiyası" cemaat teşkilâtınıñ eksperti İrina Petrova iştirak ettiler.

Hatırlatamız, Ukraina Nazirler Kabineti 2018 senesi dekabrniñ 27-de keçken toplaşuvı vaqtında Qırım Muhtar Cumhuriyeti ve Aqyar şeeriniñ hayuyer reintegratsiyası Strategiyasınnı qabul etilmesi aqqında qararnı tasdıqlağan edi. Buña binayen vesiqanı Ukraina haber siseti Nazirligi azırladı. 


Cedvel