Facebook Telegram Twitter Instagram YouTUBE


Baş saife  >  Derc  >  Haberler  >  25 Qara qış ayı 2019, 18:01

HSN ve Facebook saylav protsesslerine tesir etüvge uarşılıq areketlerini muzakere ettiler

2019 senesi yanvarniñ 23-de Ukraina haber siyaseti Nzirliginiñ reberleri "Facebook" şirketiniñ temsilcilerinen körüşti. 

Ukraina haber siyaseti Naziri Yuriy Stets, Nazir muavini Dmıtro Zolotuhin ve HSN-niñ devlet kâtibi Artem Bidenko, Merkeziy ve Şarqiy Avropada "Facebook" şirketiniñ temsilcisi Gabriyella Çeh ve "Facebook" saylavları meselelerinden halq ögünde siyaset yönelişiniñ reberi Anika Şeisel Ukrainada dtecavuzcınıñ tesirinden saylavlarnı qorçalav teminlenilmesi maqsadınen işirlikni muzakere ettiler. 

Nazir Yuriy Stets "Facebook" şirketine işirlik içün teşekkürlerini bildirdi: "İnformatsion telükesizlik saasında "Facebook" şirketinen işbirlikke, hususan ukraina devlet organlarınıñ saifelerini resmiyleştirüv, feyk haberlerge qarşılıq ve Ukrainada em prezident, em parlament saylavlarnıñ açıq ve adaletli keçirilmesine qol tutqanlarına pek büyük qıymet kesemiz".

Nazir muavini Dmıtro Zolotuhin "Facebook"ta informatsion ucumlar ve tesirler yapılmamasınıñ müimligini qayd etti. "Facebook" feyk saifelerni, gruppalarnı ve haberlerni silip büyük bir iş yaptı. Biz içün bu pek müim, çünki olarnıñ yardımınen Rusiyenen çratılğan ve Ukrainada bir çoq informatsion operatsiyalar içün işletilgen bir sıra botlar belgilendi", - dedi o.

Gabriyella Çeh qayd etkenine köre, "Facebook" cemiyette standartlar bozulmasına pek ciddiy baqa ve Ukrainada saylavlar keçirilmesi vaqtında telükesizlik tedbirlerini arttırmağa planlaştıra. Anika Geisel saylavlardan evel ukrain qullanıcıları içün irişmli olğan yañı alet aqqında aytıp berdi. Endiden belli saife aqqında malümatta o, nasıl menmleketten olğanını, onıñ reberi kim olğanını ve saife adından nasıl reklama başlanğanını ögrenmek mümkün.

Qayd etemiz, 2018 senesi yazda HSN ve "Facebook" ekitaraflı kommunikatsiyanıñ terenleşmesi akqında añlaştılar. 

 


Cedvel