Facebook Telegram Twitter Instagram YouTUBE


Baş saife  >  Derc  >  Haberler  >  27 Qış ayı 2018, 13:12

HSN: Ükümet Qırım haber reintegratsiyası strategiyasını qabul etti

2018 senesi dekabrniñ 27-de Ukraina Nazirler Kabineti toplaşuvı vaqtında Qırım Muhtar Cumhuriyeti ve Aqyar şeeriniñ haber reintegratsiyası Strategiyasınıñ qabul etilmesi aqqında qarar çıqardı. Buña binayen vesiqanı Ukraina haber siyaseti Nazirligi azırladı.

"Rusiye propagandasınıñ esas vazifelerinden biri — ilhaq etilgen Qırım sakinlerini dünya yarımada işğalini qabul etti, Ukraina unuttı ve Qırım içün küreşmey dep, inandırmağa. Bu vesiqanıñ qabul etilmesi, hususan BMT beyannamelerinen bir sırada, qırımlılar içün Kremlniñ miflerini yoq etken birtimsaldir", - dep, qayd etti Ukraina haber siyaseti Naziriniñ Birinci muavini Emine Ceppar.

Strategiyanıñ maqsadı — informatsion aletler yardımınen Qırımnıñ informatsion reintegratsiyası, Ukraina territorial bütünliginiñ yañartılması içün şarait yaratılması ve ilhaq etilgen territoriyada insan aqqlarınıñ qorçalanması içün areket etüv. 

Strategiya yekâne ses printsipi boyunca Qırım boyunca devlet haber siyasetiniñ ömürge keçirilmesiniñ kerekligini qayd ete.

Strategiya üç büyük auditoriyağa baqtırılğan: ilhaq etilgen yarımadanıñ sakinleri, qalğan Ukraina sakinleri ve ecnebiyler.

Strategiyanıñ esas kommunikativ vazifeleri: 

- yarımadanıñ rusiyenen qanunsız ilhaq etilmesiniñ añlayışı ve onıñ Ukraina nezarti altına qaytarılması;

- episi auditoriyalar arasında yarımadanıñ kerçek vaziyeti aqqında insanlarnıñ bilgilerini arttıruv; 

- Qırımnıñ keçmişi ve zemaneviy tarihı aqqında sovet ve rus propagandası mifleriniñ yoq etilmesi;

- ilhaq etilgen yarımada ve onıñ ealisi boyunca Ukraina devlet siyaseti añlayışınıñ şekillenmesi; 

- Ukraina tamır halqı olaraq qırımtatar halqı aqqlarınıñ becerilmesi.

Strategiya devlet akimiyeti ve grajdan cemiyeti organları areketleriniñ effektiv kordinatsiyasını başlamağa çağırılğan.

Vesiqalarnıñ azırlanılmasında bir sıra ekspertler ve devletke ait olmağan sektornıñ temsilcileri iştirak etti. 

O, Qırım boyunca devlet siyasetiniñ araştırmalarını, keyfiyetli grajdan tedqiqatlarnıñ neticelerini ve KHV nezaretini közge alacaq. 

Metinde ara-sıra Milliy Meclis, ekspertler ve cemaat vekilleriniñ, qırım KHV teklifleri de rastkeleyü.


Cedvel