Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  2 Çiçek ayı 2015, 13:04

Haber Siyaset Nazirligi resmiy saytınıñ qırımtatar versiyasını işlep çıqardı.

Halqara seviyede Qırımnıñ qaytaruv mevzusınıñ kün tertibinde oluvınıñ emiyetini añlağan, Ukraina Anayasasında olğan demokratik qıymetlerni amelge keçirmege tırışqan ve özüne Ukraina vatandaşlarınıñ aq ve serbestliginiñ teminlevini maqsat etken Ukraina Haber Siyaset Nazirligi endiden öz faaliyetini qırımtatar tilinde aydınlatmağa qarar ala. Söz sırası, deyerlik yıl evelsi, mart 20-de, Ukraina Yuqarı Şurası qırımtatar halqını – Ukraina tamır halqı olaraq tanıdı.

«Menimce, Ukrainada esasen ukrain ve rus tillerinde olğan devlet akimiyet organlarınıñ resmiy saytları bizge Sovet Birliginden qalğan mirastır. Şunıñ içün devlet akimiyet organlarınıñ ingliz tilinde olacaq saytlarınıñ aktualligi añlayışıla.

Ukraina Haber Siyaset Nazirliginiñ faaliyetinde Qırım meselesi ayrı bir yerni alğanından sebep, bugünden Haber Siyaset Nazirliginiñ resmiy saytınıñ qırımtatar versiyası da çalışacaq», – dedi Yurіy Stets.

Hatırlatamız, Haber Siyaset Nazirligi Qırımnıñ informatsion siyaseti boyunca ayrı programmanı teşkil etti. Onıñ çerçivesinde nazirlikniñ qırımtatar tilinde olacaq resmiy saytınıñ azırlanuvı ilân etilgen edi.

Tafsilâtlı malümatnı mip.gov.ua saifesinde tapmaq mümkün.

 


Cedvel