Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  9 Çiçek ayı 2015, 15:04

Ukraina Haber siyaseti nazirligi ve «Kiyev matbuat klubu» cemaat teşkilâtı İşbirlik Memorandumı üzerinde çalışmaqta

Ukraina Haber siyaseti nazirligi yerli ve çetel auditoriyalarına  doğru malümatnı yetkizdirmege çalışqan cemaat teşkilâtları ile işbirlik qurmağa ve olarğa qol tutmağa niyetindedir.

Aprel 9 künü bu kibi teşkilâtlardan birisi ile Nazir Muavini Artem Bidenko körüşti. Taraflar olacaq işbirlikni muzakere ettiler.

«Kiyev matbuat klubu» cemaat teşkilâtı matbuat vastaları, iqtisadiy, siyasiy ve diger teşkilâtlar arasında işbirlikniñ qaviyleşüvi ile oğraşa. Bunıñ ile, 1992 senesi aprel ayında Vena şeerinde Matbuat klublarınıñ Avropa federatsiyası şurasında Kiyev matbuat klubunı Federatsiya terkibine qoştılar.

Ukraina Haber siyaseti Nazir Muavini ile körüşüv devamında cemaat teşkilâtı eki leyhanı taqdim etti: «İslâat territoriyası» halqara matbuat merkeziniñ ve Baltiya regionında ukrain haber merkeziniñ teşkil etilmesi.

Taqdim etilgen leyhalar temelli olıp, muayyen maqsatlarğa saip. Şu cümleden, «İslâat territoriyası» halqara matbuat merkezi leyhası daima çalışacaq halqara ekspert-nezaret matbuat hızmetiniñ meydanğa ketirilmesini nazarda tuta. İşbu merkez islâatlarnıñ nezaretini keçirecek ve devlet idaresiniñ deñişüv ketişatını aks etecek. Leyhanıñ esas auditoriyası – Ukraina islâatlarına maliyeviy, tehnikiy yardım kösterecek memleketlerniñ ükümeti. Böyleliknen devlet idare sisetmasınıñ deñşüvlerini aydınlatmağa imkân yaratılır. Bu ise Ukraina ve donor-memleketleri arasında añlaşmalarnıñ esas şartıdır.

Körüşüv neticesinde Nazirlik ve Kiyev matbuat klubu İşbirlik Memorandumı üzerinde işine başladılar. Taraflar arasında añlaşma imzalanğanından soñ, Ukraina haber siyaseti nazirligi Kiyev matbuat klubuna yuqarıda añılğan leyhalarnı amelge keçirmege yardım eter.


Cedvel