Facebook Telegram Twitter Instagram YouTUBE


Baş saife  >  Derc  >  Haberler  >  11 Qış ayı 2018, 15:12

E.Ceppar: İnsan aqqlarınıñ bozuluvı içün RF-ke basqını arttırmaq kerek

2018 senesi dekabrniñ 10-da Kiyevde Halqara insan aqqlarını qoruv Kününe "İlhaq etilgen territoriyalarda yaşayış ve tış tecavuzınıñ yañı kerginleşmesi. Ukrainlerniñ aqqlarını qoruv meseleleri" degen tögerek masa keçecek. Tedbir Ukraina haber siyaseti Nazirliginiñ destegi ile teşkil olundı.

Tedbir vaqtında Ukraina haber siyaseti Naziriniñ Birinci muavini Emine Ceppar ilhaq etilgen Qırımda ve Donbasnıñ ayrı rayonlarında insan aqqlarını qoruv içün Rusiye Federatsiyasına halqara basqınıñ arttırılması kerekligini qayd etti. 

"Şimdi, afsus ki, insan aqqarınıñ bozulması sanktsiyalar içün sebep degil. Eminim, Ukraina episi yönelişlerde RF-ke qarşı sanktsiyalarnıñ arttırılmasını talap etmeli. Bugün Qırımda Rusiye türmelerine tüşken 70 siyasiy mabüs olğanı ve 113 bala babasız qalğanı aqqında laf yürsetemiz. Bu, belki de Rusiye Federatsiyasına basqı arttırılmasınıñ esas delilidir", - dep qayd etti o. 

Tedbirde Milliy Meclis reisi, Ukraina halq deputatı Refat Çubarov, Vaqtınca ilhaq etilgen topraqlar ve içki yerleşken şahıslar meselelrinden Nazir mesleatçısı Öleksandr Levçenko, Qırım Muhtar Cuhuriyetinde Ukraina Prezidentiniñ Daimiy temsilcisi Boris Babin, "KrımSOS" teşkilâtınıñ idare başlığı Tamila Taşeva ve başqaları iştirak etti.

Tögerek masa Ukraina haber siyaseti Nazirliginiñ destegi ile Kiyiv matbut merkezi ve O.Yaremenko adına içtimaiy araştırmalar Ukraina institutınen teşkil olundı.


Cedvel