Facebook Telegram Twitter Instagram YouTUBE


Baş saife  >  Derc  >  Haberler  >  11 Qış ayı 2018, 13:12

HSN leyhaları Lvivdeki Halqara yaşlar forumında taqdim etildi

2018 senesi dekabrniñ 6-da İvan Franko adına Lviv Milliy universitetiniñ halqara munasebetler fakültetiniñ esasında "Telükesiz ve stabil Avropa yaşlar közünen: İnformatsion telükesizlik melez çağıruvlar ve telükeler faktorı olaraq" degen Halqara yaşlar forumı keçti.

Tedbirde Ukraina haber siyaseti Naziriniñ halqara kommunikatsiya meselelerinden mesleatçısı Marına Sobotük iştirak etti.

O, yaşlarnen, hususan Nazirlik yanında Studentler Şurasınıñ azalarınen ömürge keçirilgen HSN-niñ leyhalarını taqdim etti, - "Ukrain amazonkaları", "Meni cenkten çağır" ve başqaları. 

"Tiller marketi" - bu, yaşlarğa til ögrenilmesinden yañı sıñırlar açqan büyük tasil festivali. Çünki ecnebiy til halqara kommunikatsiya içün müim bir alettir", - dep, qayd etti M.Sobotük. 

Bundan ğayrı, forum çerçivesinde Ukraina haber siyaseti Nazirliginiñ sımarışına çıqarılğan "Dâkuyu" filmi kösterildi. 

Tedbir İvan Franko adına Lviv milliy universiteti, NATO informatsiya ve vesiqa Merkezi ve Halqara telükesizlik ve ortaqlıq Merkezinen teşkil olundı.


Cedvel