Facebook Telegram Twitter Instagram YouTUBE


Baş saife  >  Derc  >  Haberler  >  10 Qış ayı 2018, 14:12

A.Bidenko Kiyev-Toronto telekopüri vaqtında "Ukraine NOW" brendi aqqında aytıp berdi

2018 senesi dekabrniñ 6-da Kiyevde "Ukraine Now: Culture&Traditions" degen tedbir olıp keçti. Tedbirni Ukraina haber siyaseti Nazirligi ve Amerika-Ukraina iş Şurası teşkil ettiler.

Tedbir çerçivesinde "Kiyev-Toronto" degen telekopür keçirildi. Onıñ vaqtında HSN devlet kâtibi Artem Bidenko çetelde kommunikatsion kampaniyalar keçirilmesi vaqtında "Ukraine Now" brendiniñ işletilmesi ne qadar faydalı olabilecegi aqqında aytıp berdi.

Muzaker etilgen esas mevzulardan birisi — kelecek yılnıñ sentâbr ayında "Bloor West Village Toronto Ukrainian Festival"niñ keçirilmesi oldı. Bu sene festivalni 800 biñge qadar musafir ziyaret etti, olar arasında Kanada Baş-Naziri Castin Trüdo. 

Bundan ğayrı, tedbir iştirakçileri ukrain medeniy eksportınıñ desteklenmesi, yerli kinoindustriyanıñ inkişafı ve populârizatsiyası meselelerini muzakere ettiler. 

Tedbirde  USUBC temsilcisi Mıhaylo Datsenko, Britaniya-Ukraina ticariy palatasınıñ başlığı Beys Toms, Ukraina ve Kanada cemiyetiniñ vekilleri iştirak ettiler. 

Muzakere soñunda Ukraina haber siyaseti Nazirliginiñ sımarışına çıqarılğan "Dâkuyu" filmi taqdim etildi.


Cedvel