Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  20 Çiçek ayı 2015, 16:04

Haber siyaseti nazirligi vilâyet media merkezleri ile İşbirlik Memorandumını imzaladı

Ukraina Haber siyaseti nazirligi Harkov buhraniy haber merkezi, Odesa buhraniy media merkezi, Zaporojye media merkezi ve Dnepropetrovsk şeeriniñ Buhranğa qarşı media merkezi  ile İşbirlik Memorandumını imzaladı.

Vesiqanıñ imzalanuv maqsadı – Ukraina ve dünyada cemaat şuurınıñ şekillenüvine tesir mehanizmniñ işlep çıqarılmasıdır, bunıñ ile cemaatçılıq, devlet ve yerli idare organlarınıñ küçüni Rusiye teşviqatına qarşılıq köstermesine celp etmek ve milletniñ birleşüvine yetmektir.

İşbirlik Memorandumı tizilgen vilâyet media merkezleri regionlarğa Ukraina adiseleri aqqında doğru malümatnı berecek ve Ukraina ve regiondaki vaqilaranı aydınlatqan kütleviy matbuat vastalarınıñ yerli temsilcilerine yardım etecektir.

İşbirlik vatandaşlarnıñ anayasa aq ve serbestliginiñ amelge keçirilmesi ve qoruvı, cemiyet içün müim malümatnıñ toplanuvı, saqlanuvı, qullanuv ve tarqatuvından ibaret olacaqtır. İşbirlikniñ esas vazifesi Ukraina haber mustaqilliginiñ teminlevi olacaqtır.

      Bundan da ğayrı, Memorandumğa köre, taraflarnıñ faaliyeti umumiy iş gruppalarınıñ teşkil etilmesi, vekâletli ya da vekâletsiz temsilcilerniñ yollanıluvı ile amelge keçirilecek. Haber siyaseti nazirligi yanında işbirlik organlarnıñ sırasına Ekspert ve Vatandaşlıq şuraları kire. Böyleliknen, media merkezlerine Haber siyaseti nazirligi yanında teşkil etilgen Vatandaşlıq şurasına qoşuluv aqta vesiqalar taqdim еtildi. İşbu şura 2015 senesi mayıs 4 künü teşkil etilecek.

Hatırlatamız, evel media merkezleri ile iş yönelişinde Haber siyaseti nazirligi Ukrain buhraniy media merkeziniñ «turmuş separatizm» ile küreş boyunca leyhasına qol tuttı. İşbu leyha ealiniñ diqqatını grajdanlıq mudafaasına celp etmek ve separatizm keyfleriniñ ögüni almaq kibi maqsatlar ile teşkil etile.

 


Cedvel