Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  20 Çiçek ayı 2015, 19:04

Haber siyaseti naziriniñ Qırımda FSB tarafından insan aqlarınıñ bozuluvı boyunca bildirüvi

 Ukraina Haber siyaseti nazirligi Ukrainada, şu cümleden Qırım Muhtar Cumhuriyetinde söz serbestligine riayet etilmesiniñ tarafdarıdır.

Yarımadada yüz bergen soñki vaqialar Rusiye Federatsiyasınıñ Federal havfsızlıq hızmeti ve Taqiqat komіteti tarafından zenaat itibarınıñ ğayıp oluvıdır. Bunı tintüvler tasdiqlay,  ATR qırımtatar telekanalınıñ operatorı Eskender Nebiyevniñ yaqalanuv ve sorğusı,  mustaqil internet matbuat vastalarınıñ sabıq jurnalistleri: «BlackSeaNews» – Tetâna Guçakova, «Tsentr jurnalіstskih rozslіduvan» (TSJR) – Anna Şaydurova, Aqyar blogeri Galina Denısovanıñ sorğuları, TSJR jurnalisti Anna Andriyevskayağa nisbeten RF Cinaiy Kodeksiniñ «RF topraq bütünliginiñ bozuluvına yönelgen areketlerge çağıruv» maddesi boyunca cinaiy işniñ açılması tasdiqlay. Bütün bu areketler Qırım jurnalistleri, bloger ve mustaqil Qırım matbuat vastalarına etilgen daimiy bir basqıdır.

Qırım haber siyaseti meseleleri boyunca Nazir keñeşçisi Sergiy Kostınskıynıñ fikrine köre, Qırım jurnalistleri aqlarınıñ bozuluvı ile bağlı areketler Ukraina Cinaiy kodeksiniñ 171-nci maddesi – «Jurnalistniñ ihtisasiy faaliyetine mahsus yapılğan keder», 162-nci maddesi – «Mesken toqunmazlığınıñ bozuluvı» ve 146-ncı – «Azatlıqtan qanunsız surette marum etüv ya da insan hırsızlanuvı»  maddesine köre qayd etilmeli.

Şunı qayd etemiz ki,  Qırımda FHH ve Taqiqat komiteti aman-aman er afta öz areketleri ile söz serbestligini bozmaqtadır. Ukraina Haber siyaseti nazirliginde işbu vaziyet işğal etilgen Qırımda Avropa degerleriniñ yoq etilmesini ve Rusiye mahsus hızmetleriniñ ve uquq qorçalayıcı organlarınıñ zenaat itibarını coyğanını tasdiqlay degen fikirdeler.


Cedvel