Facebook Telegram Twitter Instagram YouTUBE


 

Baş saife  >  Derc  >  Brifing ve matbuat konferentsiyaları  >  5 Qural ay 2015, 14:05

Ukraina Haber siyaseti Nazirligi faaliyetiniñ ekinci ayı aqta esabat azırladı

1

Bugün, mayıs 5 künü,  Ukraina Haber siyaseti naziri Yuriy Stetsniñ «Haber siyaseti Nazirliginiñ 2015 senesi aprel ayı faaliyeti aqta esabatı» matbuat konferentsiyası keçti

 Nazirden ğayrı, matbuat konferentsiyasında Nazir keñeşçisi – apparat reberi Artem Bidenko, Nazirniñ Qırım haber siyaseti meseleleri boyunca keñeşçisi Sergіy Kostınskıy ve Nazirniñ teleradioyayınlavınıñ teminlevi meseleleri boyunca keñeşçisi Оleksandr Brıgınets işitirak ettiler.

Nazir çıqışta bulunıp, «Açıq akimiyet» programması çerçivesinde Haber siyaseti Nazirligi matbuat vastaları ögünde faaliyetiniñ er aylıq esabatını azarlaycağını bildirdi.

Şimdilik Ukrana haber siyaseti mezebi – Ukraina haber alanı inkişafınıñ devlet programması ve haber havfsızlıgınıñ Kontseptsiyası aqqında Qanunnıñ üzerinde çalışqan Haber siyaseti Nazirligi yanındaki Ekspert Şurasınıñ reisdeşi olaraq, Nazir işbu vesiqalar mayısnıñ soñuna qadar cemaat ögünde aşkâr etilecegine işandırdı.

«Seneniñ soñuna qadar Ukraina Parlamenti, Nazirler Kabineti ve Ukraina Milliy Havfsızlıq ve Mudafaa Şurası toplaşuvlarında Ekspert şurası tarafından işlep çıqarılğan vesiqalarnıñ baqılması içün biz sentâbrniñ başına qadar olarnı cemaat ögünde aşkâr etmelimiz. Esas maqsadımız – Haber siyaseti Nazirligi yanındaki komissiya ekspertleri tarafından işlengen vesiqalarnı resmiyleştirmek. O vaqıt memleket olarnıñ kelecek on yıl içersinde amelge keçirilmesiniñ mahsus cedveline saip olacaqtır. Eminim ki, işbu vesiqalar 2016 senesi yanvar 1-den amelge keçer», – dey Yurіy Stets.

Nazir şunı da bildirdi ki, yaqın zamanda «Qırım – Ukrainadır» içtimaiy kampaniyasınıñ yañı basamağı keçirilecek, böyleliknen kampaniya dünya seviyesine çıqacaqtır.

Şunı qayd eteyik ki, «Qırım – Ukrainadır» kampaniyasınıñ birinci basamağı Ukrainanıñ er bir regionını qaplap aldı. Kampaniya süjetleri 2000 meydançıqta yerleştirildi. Nazir şuña da diqqat ayırdı ki, içtimaiy kampaniyalarğa Ukraina bücetinden para ayırılmay eken.

«Nazirlik işbu kampaniyanı dünyanıñ nice memleketlerinde keçirmek niyetindedir, şu cümleden, kontent yaqında Almaniya, Portugaliya, Avstriya, Çehiya, Büyük Britaniya, Kanada ve AQŞda tarqtılacaq», – dey Yurіy Stets.

Bunıñ ile Sergiy Kostınskıy çıqışı vaqtında Haber siyaseti Nazirliginiñ yardımı ile «Ukrayinske radio»nıñ Birinci kanalı efirinde Qırım içün radio yayınlarınıñ peyda olması aqta tarif etti. Bu ay devamında Donetsk jurnalisti Sergiy Garmaşnıñ «İşğal» yayını, Оleksandr Yankovskıy ile «Qırım.Aqiqat» leyhası ve qırımtatar tilinde «Osman Paşayev ile Beraber» ve «Ayşe Akiyeva ile Vatan sedası» programmalarınıñ çıqması aqta tarif etti.

Bundan da ğayrı, Nazir muavini Artem Bidenko Nazirlikniñ «Açıq akimiyet» programması çerçivesinde Haber siyaset Nazirliginiñ resmiy saytında aşkâr etilgen maliye esabatı boyunca izaatlarını bildirdi.

«Cemi miqdar – 129 biñ grivna, şu cümleden – aylıqnıñ ödenilmesi de. Yani, Nazirlikniñ çalışuvına 35 biñ grivna ketti. Şunı qayd etmek kerek ki, eger de Nazirlikniñ leyhaları devlet esabatına ödenilse, bugün millionlarce grivna miqdarında masraf olur edi», – dey Nazir muavini.

Bugün bir künge ATOdan kelgen Nazirniñ teleradioyayınlavınıñ teminlevi meseleleri boyunca keñeşçisi Oleksandr Brıgınets Karaçun dağında yañıdan işke başlağan telequllesinde ukrain telekanallarınıñ ğayrıdan tiklengen yayınlavı aqta tarif etti.

«İşbu leyhalarnı ATO zonasında ukrain matbuat vastalarınıñ yayınlavınıñ ğayrıdan tiklenmesi boyunca leyhalarnı amelge keçirmege imkân yaratqan ve mütehassıslarnıñ imkânlarını birleştirgen Milliy telekorüv ve radioyayınlav sistemasınıñ daimiy teminlevi meseleleri boyunca Komissiya faaliyetiniñ çerçivesinde amelge keçirdiler», – dey Oleksandr Brıgınets.

Bunıñ ile Nazir keñeşçisi Kramatorsk şeerinden yañı teşkil etilgen ATO ştabınıñ matbuat merkeziniñ faaliyeti aqqında tarif etti. Matbuat merkeziniñ zabitleri ATO zonasında çalışmağa istegen jurnalistlerge matbuat kartlarını resmiyleştirmege ve matbuat vastalarınıñ temsilcileri içün brifinglerniñ teşkil etilmesine yardım eteler.

 


Cedvel