Facebook Telegram Twitter Instagram YouTUBE


Baş saife  >  Derc  >  Haberler  >  31 Arman ayı 2018, 08:08

HSN 2018 senesiniñ birinci yarım yılında işi boyunca esabat berdi

2018 senesi avgustnıñ 30-da Ukraina Nazirler Kabinetiniñ matuat merkezinde Ukraina haber siyaseti Nazirliginiñ reberligi 2018 senesi yanvar-iyün ayları içinde faaliyeti boyunca esabat press-konferentsiyasını berdi.

Ukraina haber siyaseti Naziriniñ Birinci muavini Emine Ceppar avropa reintegratsiyası, Qırım ve Donbass haber reintegratsiyası saasında faaliyet aqqında aytıp berdi. Bu yönelişte esas qısım — ilhaq etilgen territoriyalarğa bir sıra ukrain telekanalları ve radiostatsiyalar yayınlavınıñ yañartılması.

"Biz, Nazirliknen Ükümetnen tasdıqlanğan areketler planına binayen, çalışamız. İlhaq etilgen territoriyalar boyunca episi çalışmalar biznen daa eki yıl evelsi işlep çıqarılğan vesiqalar boyunca alıp barıla — bu, Qırım haber reintegratsiyasınıñ strategiyası ve Donbass haber reintegratsiyasınıñ strategiyası. Donbass boyunca strategiya, yaqın vaqıtta Ükümetnen de tasdıqlandı, bu ise bizim imkânlarımıznı kenişlete", - dep, qayd etti o.

Ukraina haber siyaseti Naziriniñ muavini Dmıtro ZolotuhinHaber telükesizligi Mezebiniñ ömürge keçirilmesi, strategik ve buhram kommunikatsiyalar sistemasınıñ qurulışı saasında HSN-nıñ esas irişmelerini qayd etti. Hususan, o, Kiyevde Çempionlar Ligasınıñ keçirilmesi vaqtında informatsion telükelerge effektiv qarşılıq misalini ketirdi.

"Çeşit devlet organlarında, şu cümleden, uquqimaye organlarında buhran kommunikatsiyaları saasında iş nasıl etip alıp barılğanını araştırdıq. Alınğan malümatnı ögrenemiz, yaqın vaqıtta informatsion meydanda buhran adiseleriniñ bitaraflaştıruvı boyunca bir-de-bir tevsiyeler azırlarmız", - dep, haber etti Nazir muavini.

Bundan ğayrı, HSN-nıñ Devlet kâtibi Artem Bidenko tış yayınlav sistemasınıñ inkişafını, şimdi halqara meydanda faal ilerilegen "Ukraine NOW" brendiniñ tasdıqlanmasını ve 15-ten ziyade içtimaiy kampaniyalarnıñ ömürge keçirilmesini qayd etti.

"Biz içtimaiy reklama sayısını arttırmağa planlaştırmaız, çünki bu, vatandaşlarımızda bazı areket standartlarınıñ şekillenmesi içün eñ qolay tehnikiy donatmalardan biridir. Hatıra künleriniñ qayd etilmesinden başlap, yol qaideleriniñ becerilmesinece", - dep, qayd etti A.Bidenko.

Öz nevbetinde, Haber siyaseti Naziri Marına Sobotün Ukraina aqqında qısqametrolı "Dâkuyu" filminiñ dünyada ileriletilmesi aqqında ve ukrain arbiyleriniñ destegine baqtırılğan leyhalar aqqında aytıp berdi.

"Halqara kommunikatsiya içün alet - "Dâkuyu" filmi — üç halqara festivalniñ ğalibi ola. Küzde o, Yaponiyada taqdim etilecek. Vışıvanka kününe "Ukrayinski amazonkı" etnokosterişi ise diplomatlar içün aciyip bir tedbir oldı, arbiy qadınlar içün ise o, aqiqiy bayram oldı", - dep qoştı o.

HSN işiniñ esabatınen bağlantı boyunca tanış olmaq mümkün:


Cedvel