Facebook Telegram Twitter Instagram YouTUBE


Baş saife  >  Derc  >  Haberler  >  29 Arman ayı 2018, 17:08

D.Zolotuhin “Resilience League Summer School” halqara yaz mektebi diñleyicilerine lektsiya oqup berdi

2018 senesi avgustnıñ 29-da Ukraina haber siyaseti Naziriniñ muavini Dmıtro Zolotuhin informatsion telükesizlik ve milliy-patriotik terbiyelevden “Resilience League Summer School” halqara yaz mektebiniñ diñleyicileri içün lektsiya oqudı.

Çıqış duşman dezinformatsiyası şirketlerinde telükeli global trendler mevzusında oldı. “Eñ esası - bu sadece mudafaa pozitsiyasını saqlap, dezinformatsion ucumlerge cevap bermek ve ateşlerni söndürmek degil. Şimdi areket etip, kommunikatsiya tutmaq kerek, öz narativiñni ileriletmek ve telükelerge qarşılıq köstermek kerek, bu pek müimdir”, - dep, qayd etti D.Zolotuhin.

Rusiye propagandasınıñ effektivligi boyunca Naziri muavini qayd etti: “Haber siyaseti Nazirligi al-azırda Rusiyenen Ukraina aqqında soñki beş yılda tarqalğan episi feykler ve miflerni bozacaq leyhanı taqdim etmege azırlana. Bu, kelecekte rusiye informatsion telükesine daa çoq qarşılıq köstermege yardım etecek”.

Resilience League Summer School – bu, informatsion ve kommunikatsion telükesizlik meselelerinen meraqlanğan yaş mütehassıslar içün halqara forum. Ukraina ve Baltiya memleketleriniñ alıp barıcı mütehassısları ve belli olğan ekspertler olğan informatsion telükelerniñ esas tendentsiyalarını ögrenip, tecribesinen paylaşalar.


Cedvel