Facebook Telegram Twitter Instagram YouTUBE


Baş saife  >  Derc  >  Maqale ve çıqışlar  >  20 Çiçek ayı 2015, 12:04

Nazir Yuriy Stetsniñ «Latviyanıñ kütleviy matbuat vastaları cemaatçılığı» portalına bergen intervyüsi

Rusiye teşviqatına qarşı Ukrain cevabı- "Aqiqat Nazirliginiñ" meydanğa ketirilmesidir.

Ukraina informatsion siyaseti Nazirligi Rusiye teşviqatınen küreşmek ve kütleviy matbuat vastalarınıñ aqlarını qanuniy taraftan güzelleştirmek maqsadınen meydanğa ketirildi. Belli "1984" romanını hatırlap, onı birden "Aqiqat Nazirligi" dep adlandırdılar. Olarnıñ tek bugüni bar, bizim ise yarınımız da bar.

"Meduza" haberler portalna bergen intervyüsında İnformatsion siyaseti Naziri Yuriy Stets qayd etti:

- Yazıq ki, bir çoq jurnalistler Oruellnı oqıp, Çerçilni oqumadılar, bu ise problemdir. Anda Birinci ve Ekinci Cian cenkinde Büyük Britaniyada çalışqan İnformatsiya Nazirligi aqqında söz yürütile. Nazirniñ fikirince, Nazirlik öz işini yahşı becerdi. Ve o da bu maqsad ile çalışa. Soñra ise Nazir devam etti:

- Menim tevsiyemden soñ olar Pelevin ve diger müelliflerni oqumağa başladılar. Men ise Vyetnam ve İrak cenkleri devamında amerikalı kontrteşviqatı aqqında oqumağa devam etti. Bu bizim esas farq etici alâmetlerimizdir.

Amma Çerçilni original tilde daa oqumağanını belgiley.

Nazirlik bir qaç leyha üzerinde çalışa. Misal içün çet ülkelerde yayınlağan "Ukraine Tomorrow" leyhası. "Russia Today" kanalınıñ serlevası ile aselet oşatılıp qoyuldı.

- Olarnıñ tek bugüni bar, bizim ise yarınımız da bar.

Rusiye ile informatsion cenkni alıp barmağa vaqıt keldi.

Daa bir leyha Qırımnıñ Rusiye tarafından zapt etilmesinen bağlı. Stetsnıñ fikirince bu mesele siyasetçiler, kütleviy matbuat vastaları ve halqara teşkilâtlar tarafından añılmayıp qaldı.

- Biz Qırımda olıp keçken vaqialar aqqında er kün haber etmege niyetindemiz. Qırım, Ukraina ve dünyanıñ diger ülkerinde yaşağanları bilsin ki, Qırım- Ukrainanıñ qısmı. Amma eñ büyük diqqat Ukraina informatsion ordularınen ya da Army ile bağlı. Olar internette Rusiye teşviqatına qarşı küreşmege davet eteler. Aynı böyle saytnıñ ingliz qısımında denile. - Yıl-yıldan biz küçlü ordularnı qurdıq. O bizni Donbasta yahşı qorçalay. İnformatsion cebede Rusiye zapt eticilerine cevap bermege vaqıt keldi.

Birinci künü, fevralniñ 23-nde İnformatsion ordularına 35 000 insan qoşuldı.

Ne qadar insan Army-ge qoşuldı sualine Stets böyler dey:

- Latviyada ne qadar insan yaşay?

- Olarnıñ miqdarı eki million.

- Yaqında biz de böyler miqdarda olacamız.

Kreml teşviqatını tekrarlamağa söz berildi.

Yañı qurulğan "ordu" Ukraina Rusiye teşviqatı usullarını qullanğanında şübelerni asıl ete.

Atta birinci künleri sayt Rusiye tarafından qullanılğan belgisiz akkauntlarnı yapmağa ögrete. Nazir bu fikirlerni red ete jurnalistlerni yalan malümatlarnı bergeninde qabaatlay.

Sözlerniñ esasında İnformatsion orduları öz azalarına Rusiye tarafından yapılğan belgiiz saifeler nasıl meydanğa ketirilgeni aqqında añlatqanıdır. Jurnalistler ise bunı Rusiyeden ibret almaq örnek kibi añladılar. Bu vaziyetniñ birinci qısımında diqqatsızlıq, diger qısımında ise itibardan tüşürmek niyeti bardır

İnformatsion ordusınıñ diger mektübinde ordu Rusiye ve Ukraina arasında çatışmalar aqqında öz fikirlerini bildirip, malümatnı "LifeNews" Rusiye teşviqat kanalınıñ saifesinde darqatmağa davet ete. Diger vazifelerde insanlarğa İnformatsion ordularınıñ malümatlarınen paylaşmağa ve yañı azalarnı davet etmege rica etile.

Jurnalistlerniñ işlerine kirişmemeli, bu devletniñ adiy qoruvıdır Nazir dedi:

Biz ve rusiyeliler arasında eñ büyük farq şu ki, Rusiye mahsus hızmetleri tarafından celp etilgen insanlarnıñ çoqusı paranı alıp, malümatnı darqatalar. Bu fakt. Bizim platformamızda qayd olğanlarğa para berilmey. Malümatnı darqatmaq insanlarnıñ borcu degil. Olarnıñ istegidir

Bundan da ğayrı, Nazirlik Rusiye tarafından teşviqat malümatlarnı darqatqan belgisiz saifelerni tapa ve İnternette olarnıñ işlerini nezaret ete.

Stets Twitter-den bir qaç yazılarnı köstere. Qullanıcılar farqlı, amma yazılar arifinece biri-birini tekrarlay.

- Böyle skrinşotlarnı darqatqan soñ insanlar olar (yazılar) kerçekten de yalan olğanını añlaylar. Bu ise informatsion cenk, çünki insanlar öz fikirlerini arifinece, aynı hatalarnen tekrarlap aks etip olamazlar. Nazirden Ğarp ve Ukrain kütleviy matbuat vastalarınıñ işi nezaret etilemi sualine sorağanda, o qayd etti ki, Nazirlik jurnalistlerniñ işine asıl da qarışmay.

- Biz nezaret etmeymiz. Bizim diger maqsadlarımız bar. Jurnalistlerniñ işi-haber etmek, bizim vazifemiz ise devletni qorumaqtır Amma jurnalistler ve Nazirlikniñ işi oşağanına baqmadan, o, jurnalistlerni işbirlikke davet etmeyip, olarnıñ fikirlerine tesir etmemege söz berdi.


Cedvel