Facebook Telegram Twitter Instagram YouTUBE


Baş saife  >  Derc  >  Haberler  >  1 Qural ay 2015, 14:05

Halqara munasebet İnstitutınıñ kollektivi halqara sanada milliy menfaatınıñ pekitilmesi içün zaruriy olğan milliy aliy tasil sistemasınıñ deñişüvine qol tutqan Haber siyaseti Nazirligine minnetdarlığını bildirdi

 

Aprel 29 künü Ukraina Haber siyaseti Naziri Yuriy Stets Ükümetniñ toplaşuvı vaqtında Ukraina Tasil ve ilim Nazirligi (MON) tarafından azırlanılğan «Aliy tasilni alğanlarnıñ azırlığı keçirilgen bilgi ve ihtisas cedveliniñ tasdiqlanuvı aqta» Qarar leyhasına deñişüvlerni kirsetmege teklif etti.

Şunı qayd eteyik ki, Haber siyaseti Nazirligine Taras Şevçenko adına KMU Halqara munasebet İnstitutınıñ «Halqara malümat» ihtisasınıñ student ve mezunları açıq muracaatta bulunıp, işbu ihtisasnı saqlamaq rica etkenler.

Muracaatında studentler MON Qarar leyhası boyunca öz çorlanuvını bildireler. Oña köre, «Halqara munasebet» bilgi saası ve «Halqara malümat» ihtisası, buña sebep olmadan, çıqarılğandır. Studentler MON böyle adımınıñ mümkün olmağanı ve zemanede Rusiye tarafından haber istilâsına rastkelgen devletniñ milliy menfaatına tersi kelgenini tüşüneler.

Böyleliknen Nazir Ükümet toplaşuvında Haber siyaseti Nazirligi studentlerniñ muracaatını ve Halqara munasebet İnstitutı  ocalarınıñ fikrini, qayd olunğan vesiqanı ögrenip «055: Halqara munasebet ve region studiyaları» ihtisası çerçivesinde «cemaat alâqası» yönelişinde tasil programmasını keçirmege teklifinde bulundı.

«Bizimce, böyle mütehassıslar haber qarşılığı, milliy haber alanınıñ gayrıdan tiklenmesine ve Ukraina milliy menfaatınıñ halqara seviyesinde taqdimine muhtac olğan devlet içün kerektir», – dedi Nazir.

Bunıñ ile Yuriy Stets işbu ihtisasnı «Halqara munasebet, cemaat alâqası ve region studiyaları» muarririyetinde açmaq kerek olğanını qayd etti.

Öz nevbetinde Halqara munasebet İnstitutınıñ studentleri ve kollektivi halqara sanada milliy menfaatınıñ pekitilmesi içün zaruriy olğan milliy aliy tasil sistemasınıñ deñişüvine qol tutqan Haber siyaseti Nazirligine minnetdarlığını bildirdi.

Ükümet Nazirniñ teklifine qol tutı ve MONğa Qarar leyhasına deñişüvlerni kirsetmege avale etti.

 


Cedvel