Facebook Telegram Twitter Instagram YouTUBE


Baş saife  >  Derc  >  Haberler  >  30 Oraq ayı 2018, 16:07

HSN: 7 sıñır yanındaki şeerde “Tvoya krayina fest” festivali keçecek

2018 senesi iyülninї 30-da “Ukrinform” haber agentliginiñ matbuat merkezinde “Tvoya Krayina fest” ukrain muzıkası festivaliniñ temsil tedbiri ötkerildi.

Festival 2018 senesi avgust-sentâbr aylarında Ukrainanıñ 7-8 sıñır yanındaki şeerinde Ukraina haber siyaseti Nazirligi desteginen ötkerilecek. Anda Foma, “Mandrı” taqımı, Mariya Burmaka, Gypsy Lyre, İvanka Çervinska ve GrozovSka Band kibi belli ukrain yırcıları iştirak etecek.

“Ukraina haber siyaseti Nazirligi ukrain tiliniñ destegi aqqında Prezident qararına yuinayen - Ukrainanıñ kiçik şeerlerinde ukrain muzıkası leyhasınıñ teşebbüsçisi olıp, onı başlay. Keyfiyetli ukrain muzıkası insanlar onı siyrekçe eşitken yerlerge yetmesini isteymiz”, - dep qayd etti HSN devlet kâtibi Artem Bidenko.

Avgustnıñ 11-de kontsert Odessa vilâyetiniñ İzmail şeerinde keçecek, avgustnıñ 18-de - Herson vilâyetiniñ Geniçesk şeerinde, avgustnıñ 24-de - Donetsk vilâyetindeki Mariupolde, sentâbrniñ 8-de - Sumı vilâyetiniñ Konotop şeerinde, sentâbrniñ 22-de - Çernivtsi vilâyetindeki Novoselıtsâda, sentâbrniñ 29-da - Rivne vilâyetindeki Sarnıde.

“Mandrı” taqımınıñ lideri Sergey Fomenko (Foma) haber etkenine köre, er bir şeerde iştirakçilerniñ terkibi artistlerniñ grafiklerine baqqanda çeşit ola bile. “Festivalde taqdim etilgen er bir artistniñ - öz diñleyicileri bar. Böyleliknen, biz daa çoq insanlarnı qaplap alıp, medeniy kommunikatsiya vastasınen olarnı ukrain tili, ukrain ğayesi üzerinde birleştirip olurmız”, - dep qayd etti o.

Ukraina halq artisti Mariya Burmaka qayd etkenine köre, “Tvoya Krayina fest” festivalinde iştirak etmek içün o, öz kontsert grafikini mahsus keliştirtti. “Bu festivalniñ sayesinde kiçik şeerler bile viyayetleriniñ medeniy merkezleri olabile. Muzıka medeniy diplomatiyanıñ müim elementi ola, böyle şeerlerge barmağa - devlet quucılığı tarafından pek müim”, - dep tüşüne yırcı.

“Antıtila” taqımınıñ lideri Taras Topolânıñ sözlerine köre, kontsert vaqtında er bir artist yırlağandan ğayrı, “sanadan müim şeyler aqqında” aytacaq. “Boyle şekil sıñır rayonlarında içtimaiy-siyasiy müitni eyileştirmege imkân berecek, çünki anda şimdi er şey qolay degil”, - dep qoştı yırcı.

“Tartak” taqımınıñ lideri Öleksandr Polojınskıy qayd etkenine köre, festivalde iştirak etüv sayesinde 22 yıl içinde ilk kere o, Geniçesk ya da İzmail kibi şeerlerde çıqışnen buluna bilecek. “Bundan em biz, artistler de qazanırmız, çünki öz yırlarımıznı, çıqışlarımıznı ve duyğularımıznı yañı diñleyicilerge, yañı şeerlere ketire bilirmiz, çünki olarğa, kerçekten de, yüksek seviyeli yırcılar kelecek ve olarnıñ kontsertleri daima pek yahşı seviyede keçe”, - dep, qayd etti o.


Cedvel