Facebook Telegram Twitter Instagram YouTUBE


Baş saife  >  Derc  >  Haberler  >  26 Oraq ayı 2018, 13:07

HSN: Ükümet Donbass haber reintegratsiyasınıñ Strategiyasını qabul etti

Ukraina Nazirler Kabineti 2018 senesi iyülniñ 26-da keçken oturışuvı vaqtında Donetsk ve Lugansk vilâyetleriniñ haber reintegratsiyası strategiyasınıñ qabul etilmesi aqqında qararnı tasdıqladı. Buña binayen vesiqanı Ukraina haber siyaseti Nazirligi azırladı.

“Doğru koomunikatsiya ve esas auditoriyalarnen, yani ilhaq etilgen territoriyalar sakinlerinen, ukrain cemiyetinen ve halqara toplulığınen işte strategik yanaşma - Ukraina topraq bütünligi yañartılmasınıñ müim zeinidir. Bu kommunikatsiya insannıñ etrafında, Ukraina vatandaşınıñ qoruvı çerçivesinde keçmek kerek”, - dep, qayd etti özüniñ çıqışı vaqtında Ukraina haber siyaseti Naziriniñ Birinci muavini Emine Ceppar.

Strategiyanıñ esas maqsadı - Donetsk ve Lugansk vilâyetleriniñ vaqtınca ilhaq etilgen territoriyalarında yaşağan Ukraina vatandaşlarınıñ ukrain umumiliiy informatsion meydanına tolu irişim teminlenilmesi.

Vesiqağa binayen, ukrain teleradioşirketleri yayınlavınıñ tolu yañartılması tek Donbassnıñ ilhaq etilgen territoriyaları azat etilse irişimli olacaq. Onıñ içün sıñırlı yayınlav ve başqa ukrain KHV-na irişim şaraitinde, hususan İnternet-neşriyatlarına irişmde ayrı diqqat böyle yönelişlerge celp etilecek:
- vaqtınca işğal etilgen territoriyalarğa ait olğan ukrain teleradioşirketleriniñ efir yayınlavını kenişletmek;
- Donetsk ve Lugansk vilâyetleriniñ vaqtınca ilhaq etilgen territoriyalarında yaşağan Ukraina vatandaşları içün mahsus köntentniñ yaratılması ve tarqatılması;
- irişimli şekilde körüv ve eşitüv bozulmalarınen şçahıslar içün malümat almaq içün imkân yaratmaq;
- ilhaq etilgen Donbassta yaşağan Ukraina vatandaşlarınen müim kommunikatsiya kanalı kibi köçip kelgenlernen sistem iş keçirilmesi;

Strategiyanıñ ömürge keçirilmesi grajdan cemiyeti qoşulmasınen merkeziy ve yerli derecelerde icra akimiyet organları arasında institutsion koordinatsiya arttırılmasını közde tuta.


Cedvel