Facebook Telegram Twitter Instagram YouTUBE


Baş saife  >  Derc  >  Haberler  >  29 Çiçek ayı 2015, 15:04

Ükümet Haber siyaseti nazirliginiñ telekommunikatsiya ve bağ obyektleriniñ söndürüvini yasaq etken qarar leyhasana qol tuttı

 Bugün Ükümet toplaşuvı vaqtında Ukraina Haber siyaseti Naziri Yurіy Stets strategik emiyeti olğan telekommunikatsiya ve bağ obyektlerine elektroteminlevini sıñırlamaq yasağı boyunca qarar leyhasını teklif etti.

Bunıñ ile, Yurіy Stets Ukraina Nazirler kabinetiniñ 2015 senesi mart 4 künü alğan №83 «Devletniñ iqtisadiyatı ve havfsızlığı içün strategik emiyeti olğan devlet mülkiyeti obyektleriniñ tasdiqlanuvı aqqında» qararına qoşma maddelerni kirsetmege teklif etti.  Şu teklif 21 madde şeklinde kele: «21. Şu sıñırlav strategik emiyeti olğan telekommunikatsiya ve bağ obyektlerine  bağlı degil».

Leyhanıñ işlep çıqarılmasınıñ esas maqsadı Ukraina territoriyası boyunca ve cebe etrafında telequlleleriniñ söndürüv yasaqlığıdır. Çıqışı vaqtında Nazir bu Haber siyaset Nazirliginiñ Ukraina haber havfsızlığını temin etüv programması çerçivesinde etken nevbetteki adım olğanını ayttı.

Ükümet başı Nazirniñ teklifine qol tuttı ve Haber siyaseti Nazirligi tarafından işlep çıqarılğan leyha deñişüvlerini qararğa kirsetmege avale etti.

Hatırlatamız, mart 5 künü RRT Kontsernniñ Luçivsk filialınıñ energoteminlevi toqtatıldı, neticede Herson, Nikolayev vilâyetlerine ve Qırım Muhtar Cumhuriyetine tele ve radio yayınlavı üzüldi.

Bunıñ ile Ternopol vilâyetinde de qulleniñ elektroteminlevi toqtatıldı, neticede vilâyet sakinleri yerli ve umummilliy kanallarnı baqmaq imkâniyetinden marum qaldı.

 


Cedvel