Facebook Telegram Twitter Instagram YouTUBE


Baş saife  >  Derc  >  Haberler  >  6 Oraq ayı 2018, 16:07

HSN ukrain faalleriniñ blok etilmesi ve rusiye propagandasınıñ tarqatılması boyunca Facebook qa muracaat etti

Ukraina haber siyaseti Nazirligi Facebook şirketiniñ reberligine mektüpnen muracaat etti. Bunıñ sebebi — ukrain qullanıcılarınıñ söz serbestligini bozuv ve tecavuzcı olğan Rusiye memleketinen ve oña ait olğan terroristik birleşmeler — Donetsk Halq Cumhuriyeti ve Lugansk halq Cumhuriyetinen - feyk haberlerniñ ve propagandanıñ tarqatılması.
Facebook nıñ resmiy standartlarında aytılğanına köre, birleşme içtimaiy ağında terroristik faaliyetnen oğraşqan teşkilâtlar ya da şahıslar olmasına izin bermey. Ukraina devlet organdarı ise "DNR" ve "LNR"ni terroristik teşkilât dep tanıy.
Haber siyaseti Nazirligi şirket reberlerini Rusiye melez cenkine qarşılıq köstergen ukrain faalleriniñ söz serbestligini sıñırlamamağa ve birleşmeniñ standartlarına zıt kelgen saifeler ve gruppalarnıñ faaliyetini toqtatmağa rica ete. Çünki böyle saifelerniñ faaliyeti ukrain halqı içün ziyan ketire ve şirketniñ imicini boza.


Cedvel