Facebook Telegram Twitter Instagram YouTUBE


Baş saife  >  Derc  >  Haberler  >  6 Oraq ayı 2018, 13:07

HSN ukrain ordusınıñ populârlaşmasından kommunikatsion leyhalarnı taqdim etti

2018 senesi iyülniñ 6-da "Ükrinform" haber agentliginde "Ukrain ordusınıñ populârlaşmasından HSN kommunikatsion leyhalarınıñ temsil tedbiri" mevzusında matbuat konferentsiyası keçti.

Tedbir vaqtında Silâlı quvetler populârlaşması saasında Ukraina haber siyaseti Nazirliginiñ kommunikatsion leyhaları taqdim etildi, hususan, "Tı potriben zaraz" ve "Ya ARMİYA" kommunikatsion kampaniyaları.

"Ukraina silâlı quvetleriniñ populârlaşması — Nazirlik faaliyetiniñ üstün vazifelerinden biridir", - dep qayd etti dünyada Ukraina ileriletilmesi meselelerinden baş mütehassıs Sofiya Cürinska.
Bundan ğayrı, tedbir vaqtında Haber siyaseti Nazirligi "Petro i Mazepa" neşriyatınen keçirilgen "Dopomojı viysku plakatom" yarışı ğalipleriniñ plakatlarını taqdim etti.
HSN devlet kâtibi Artem Bidenko haber etkenine köre, plakatlar ilk-evelâ arbiy komitetlerde ve arbiy qısımlarda tarqatılacaq. Bundan ğayrı, olardan bazıları bütün Ukraina territoriyasında bordlarda yerleştirilecek.


Cedvel