Facebook Telegram Twitter Instagram YouTUBE


Baş saife  >  Derc  >  Haberler  >  5 Oraq ayı 2018, 14:07

HSN: "Dâkuyu" filmi — dünyada Ukraina ileriletilmesiniñ misali

2018 senesi iyülniñ 5-de "Ükrinform" haber agentliginde "Dâkuyu" filmi misalinde dünyada Ukraina ileriletilmesi" mevzusında matbuat konferentsiyası keçti.

Tebir vaqtında Ukraina haber siyaseti Nazirliginiñ devlet kâtibi Artem Bidenko qayd etkenine köre, HSN halqara meydanda Ukraina populârlaşması boyunca kontseptual apparat yaratılmasından intensiv iş alıp bara — dünyada Ukraina populârlaşmasından Kontseptsiya, buña binayen areketler Planı qabul etildi, bundan ğayrı, "Ukraine NOW" degen Ukrainanıñ yekâne brendi tasdıqlandı.
"Bu kontseptual protsesslernen beraberlikte, intellektual produkt yaratılmasından bir çoq protsessler başladıq, ve o Ukrainanı tek dava tarafından degil de, turistler içün meraqlı şeyler tarafından da kösterecek. Ve o, Ukraina kerçekten de, imkânlar memeleketi olğanını köstere. "Dâkuyu" filmi — bizgk ğurur duydurğan mahsusldır", - dep, qoştı o.

Halqara kommunikatsiya meselelerinden Ukraina haber siyaseti Naziriniñ mesleatçısı Marına Sobotük qayd etkenine köre, "cenkke baqmadan, Ukraina büyükten-büyük resursları olğan memleket olıp qala". "Turistler bizge kelmek kerek, investorlar ise paralarını yatırmalı", - dep, qayd etti o.

"Dâkuyu" filminiñ rejisserı Dzen Yevstingeykin aytqanına köre, çekim gruppasınıñ maqsadı — Ukrainanıñ çeşit köşelerinde meraqlı hususiyetlerini kösterip, bularnıñ epsini "qısqa metrolı kino" şekline kirsetmege, Ukrainanıñ medeniyetini köstermek edi.
A.Bidenkonıñ sözlerine köre, şimdi "Dâkuyu"ga beñzegen daa eki qısqa metrolı filmniñ yaratılması planlaştırıla, neticede ise tolu metrolı triptih filmi olacak ve belki de, o, kinoteatrlerde tolu prokatqa berilir.
Hatırlatamız, iyunniñ 22-de “Dâkuyu” filmi Kamânets-Podilskte “BRUKİVKA” ekinci Halqara kinofestivali çerçivesinde kösterildi. Anda o, “eñ yahşı proyessional film” olaraq seyirciler simpatiyası prizini aldı. İyunniñ 20-de “Dâkuyu” filmi Lisabonda Portugaliya Mustaqillik Sarayında taqdim etildi.
Bundan evel "Dâkuyu" qısqametrolı filmi Latviyadaki Rigada "Tourfilm Riga 2018" 11-ci turistik filmler Halqara festivalinde "Turistik yöneliş — Region" nominatsiyasında ekinci yerni aldı.
Bundan ğayrı, "Dâkuyu" Romaniyada er aylıq "Short to the point" halqara festivalinde "eñ yahşı montaj" nominatsiyasında ğalebe qazandı.
Dâkuyu" filmi Ukrainanı Yaponiya turistiniñ közünen meraqlı, musafirçen, özgün memleket kibi köre. Filmni HSN sımarışına "Best Friends Film" çıqarğan. "Dâkuyu" filmi artıq Tokio, Kiyev, Harkiv, Ostrog ve Lvivde taqdim etilgen.


Cedvel