Facebook Telegram Twitter Instagram YouTUBE


Baş saife  >  Derc  >  Haberler  >  4 Oraq ayı 2018, 19:07

DİQQAT! KHV-da Vaqtınca işğal etilgen territoriyalar nazirliginden feyk mektüp tarqatıla

2018 senesi iyülniñ 2-de rusiye veb-resurslarınıñ birinde peyda olğan malümatqa köre, Ukrainanıñ vaqtınca ilhaq etilgen territoriyaları ve içki yerleştirilgen şahıslar meselelerinden Nazir Vadım Çernış Haber siyaseti Naziri Yuriy Stetske sanki "Qırımda raatlıqnı" ukrain KHV yardımınen diskreditatsiyağa çağıruvınen mektüp yazğan.
Bundan ğayrı, saytta Nazir V.Çernışniñ yapma imzasınen vesiqanıñ skan etilgen kopiyası neşir etilgen. Bu malümatnıñ menbaasını rusiyeniñ dezinformatsion resursı Regionlar Fırqasınıñ sabıq deputatı Öleksiy Juravkanıñ blogını belgilegen, Juravka 2014 senesi Ukraina territoriyasını qaldırğan.
Vaqtınca işğal etilgen territoriyalar meselelerinden Nazirlik ve Ukraina haber siyaseti Nazirligi resmiy şekilde bildirgenine köre, boylu mektüp yoq. Bundan ğayrı, saytta neşir etilgen "vesiqada" kerekli rekvizitler yoq, nomeri ise qoldan yazılğan, amma nazirlikler arasında yazılğan resmiy mektüplerge avtomatik nomeri berile — vesiqalar baqılmasınıñ elektron sistemasından. Böyleliknen, İnternette ilhaq etilgen Qırım ve Ukraina vatandaşlarına yañlış malümat bermek maqsadınen qaba yapma neşir etilgen.
Bundan ğayrı, qayd etemiz — Ukraina haber siyaseti Nazirliginde "kerekli yönelişte KHV ve blogerlernen belgilengen meselelerniñ açıqlanuv mehanizmi" yoqtır. Bundan ğayrı, Nazir Yuriy Stets defalarca qayd etkeni kibi, Nazirlikte iç bir botosferalar yoq. Ukraina haber siyaseti Nazirligi faaliyetinde tek söz serbestligi ve KHV-nıñ redaktsion siyasetine kirişmeme olmamasınıñ printsiplerine esaslana.
Afsus ki, ukrain KHV feyk tarqatılmasına qoşuldı. Soñki dört yıl içinde öyle çoq kere oldı ve bu, rusiye agentleriniñ ukrain informatsion saasına kirişmesini ve olar ukrain KHV öz maqsatlarında işletkenini tasdıqlay. Rusiye Federatsiyası plan olaraq arbiy olmağan vastalarnı da işlete, yani melez cenkini alıp bara ve mında informatsion meydan pek küçlüdir.
Ukrain KHV faaliyetinde tek teşkerilgen malümat menbaalarını işletmege çağıramız, çünki bu, Ukrainağa qarşı tecavuzcı devletniñ informatsion cenkinde bir yardımcı vasta olmamağa imkân berecek.


Cedvel