Facebook Telegram Twitter Instagram YouTUBE


Baş saife  >  Derc  >  Haberler  >  3 Oraq ayı 2018, 14:07

HSN: Veteran biznesine qol tutuv içtimaiy leyhasınıñ neticeleri taqdim etildi

2018 senesi iyülniñ 3-de “Ukrinform” haber agentliginiñ matbuat merkezinde “SEOWAVE” şirketler gruppası ve Ukraina haber siyaseti Nazirligi ATO veteranlarınıñ biznesine qol tutuv yönelişinde “Bugun Başla” içtimay leyhasınıñ birinci neticeleri taqdim etildi.

Matbuat konferentsiyası vaqtında “SEOWAVE”niñ icra müdiri Tetâna Aboronük bildirgenine köre, birinci basamaqta 5 veteran leyhası saylanıldı ve olarğa Ukrainanıñ top veb-studiyaları onlayn şekilde biznes ileriletilmesi içün tehnikiy yardım kösterdi.
Böyle etip, ğalebelerni bular qazandı: “Veteranprom” françayzing şirketiniñ inkişafı ğayesinen Denıs Dudnık; Armen Agacanân - yarı yatıp yürmege imkân bergen üç köpçekli fantrayk degen ayaqmaşnasınıñ yapılması; Danılo Polojuhno - ofis donatmaları, mebel, boyalar yapılması; Viktor Alekseyenko - pitstsa azırlanılması ve yetkizilmesi; Öleksandr Ovçarenko - hend-meyd bayraqlar, masa örtüleri, yastıqlar tikilmesi. Umumen, “Bugun Başla” leyhasınıñ birinci basamağında 23 ariza qabul etildi.
Ukraina haber siyaseti Naziriniñ muavini Dmıtro Zolotuhin qayd etkenine köre, HSN böyle müim içtimaiy leyhalarnıñ ömürge keçirilmesinde yardım köstermege devam etecek. “Bu, savaşta vatanımıznı qorçalamaqtan ğayrı, bugün de bugün acayıp leyhalar yaratqan adamlarğa sayğı kösterilmesi. “Bugun başla” leyhası - bu, şahsiy, devlet ve içtimaiy sektorlarnıñ işbirligi ne qadar güzel netice köstere bileceginiñ taqdim etilmesidir”, - dep, qayd etti o.
Tedbirde bundan ğayrı “Medeniyet ve turizm” yönelişinde içtimaiy leyhanıñ neticeleri taqdim etildi - 17 arizadan 7 ğalip saylanıldı.
Hatırlatamız, “Bugun başla” leyhası 2018 senesi aprelniñ 24-de taqdim etilgen edi. Onı “SEOWAVE” şirketler gruppası “Mahaon”, “İdeyne rişennâ” ve “Web-kitchen” veb-studiyalarınen işbirlikte başladı. Leyha maqsadı - Ukrainada kiçik biznes inkişafına qol tutuv ve memlekette iqtisadiy seviyeniñ köterilmesi.


Cedvel