Facebook Telegram Twitter Instagram YouTUBE


Baş saife  >  Derc  >  Haberler  >  2 Oraq ayı 2018, 14:07

A.Bidenko "Ukraine NOW" brendini regional medialarğa taqdim etti

2018 senesi iyülniñ 2-de Kiyevde "Ukraina medialarında Ukraina-AB birleşmesi aqqında añlaşmanıñ doğru açıqlanması" leyhası çerçivesinde teşkil olunğan regional kütleviy haber vastaları içün profil nazirliklerniñ vekilleri ile matbuat brifingi keçti.

Tedbir çerçivesinde Ukraina haber siyaseti Nazirliginiñ devlet kâtibi Artem Bidenko jurnalistlerge dünyada Ukraina populârlaşmasından tedbirler aqqında aytıp berdi. Hususan, o, HSN işi çerçivesinde işlep çıqarılğan "Ukraine NOW" brendini taqdim etti.
"Bu brend esnasında artıq Ukraina boyunca bütün ükümet kommunikatsiyası keçirile. O, endi halqara meydanda devletimizniñ ileriletilmesi baqışından öz effektivligini kösterdi", - dep, qayd etti A.Bidenko.
Bundan ğayrı, tedbirde Avropa ve avropaatlantik integratsiya meselelerinden Vitse-baş nazir İvanna Klimpuş-Tsintsadze ve Tış işler Naziriniñ muavini Ölena Zerkal iştirak ettiler.
"Ukraina medialarında Ukraina-AB birleşmesi aqqında añlaşmanıñ doğru açıqlanması" leyhasını "İnternyü-Ukraina" ve "Leva birligi" ukrain grajdan teşkilâtlarınen Poloniyanıñ halqara birdemlik fondu ömürge keçireler.


Cedvel