Facebook Telegram Twitter Instagram YouTUBE


Baş saife  >  Derc  >  Haberler  >  27 Bozarğan ay 2018, 17:06

"Ukraine NOW" Köpengagende Ukraina islâatları meselelerinden konferentsiyada

2018 senesi iyunniñ 27-de Köpengagende (Danimarka) Ukraina islâatları meselelerinden Ekinci konferentsiya keçmekte. Ukraina ükümet delegatsiyasını tedbirde Ukraina Baş Naziri Volodımır Groysman taqdim etti.

O, öz çıqışında qayd etkeni kibi, şimdi Ukrainada teren reforma devam ete - "idare etüv sistemasınıñ ğayrıdan işke kirsete". Baş nazir, Ukrainada islâatlar programmasına ve deñişüvler aletlerine qıymet kesüv maqsadınen ükümet vekilleri ve ekspertlerden ibaret olacaq kiçik gruppa yaratılmasına çağırdı.
Ükümet başlığı öz çıqışı vaqtında qayd etkenine köre, şimdi Ukrainada "tüm idare etüv sisteması ğayrıdan başlana". Baş nazir Ukrainada deñişmelerge qıymet kesecek ekspert müitniñ yaratılmasına çağırdı. "Biz eski sovet memleketimiz ve biz özümizge deñişüv maqsadını qoydıq. Biz yañı Avropa memleketiniñ yaratılmasını başladıq", - dep qayd etti V.Groysman.
Öz nevbetinde Danimarka baş-naziri Lars Lükke Rasmussen, Ukraina Rusiye tarafından tecavuzğa baqmadan, islâatlarını devam etkeni içün sayğı bildirdi. Büyük Britaniya tış işler naziri Boris Conson qayd etkenine köre, "Ukraina inkişaf etken şarait aqqında er keske hatırlatmaq kerek".
Ukraina haber siyaseti Nazirligini tedbirde devlet kâtibi Artem Bidenko taqdim etti. "Bugünki konferentsiya — bu, Ukrainada olğan islâatlarnı ğarbiy ortaqlarımızğa taqdim etken küçlü tedbir. Eñ esası ise — artıq bütün kommunikatsiya, Haber siyaseti Nazirliginiñ faaliyeti çerçivesinde işlep çıqarılğan "Ukraine NOW" brendi esasında keçe", - dep qayd etti HSN devlet kâtibi.

Konferentsiya vaqtında ukrain ükümet delegatsiyası Rusiyede siyasiy mabüslerimizniñ destegine ve, hususan, Oleg Sentsovnıñ azat etilmesine fleşmob keçirdi. Konferentsiyada Avropa Birliginiñ üyken vekili Federika Mogerini, AQŞ devlet kâtibiniñ muavini Con Sallivan, Kanada tış işler naziri Hrıstâ Friland ve başqa siyasetçiler iştirak etti. Ukrainada islâatlar meselelerinden nevbetteki konferentsiya 2019 senesi Kanadada keçmesi kerek.


Cedvel