Facebook Telegram Twitter Instagram YouTUBE


Baş saife  >  Derc  >  Haberler  >  25 Bozarğan ay 2018, 15:06

HSN: “Dâkuyu” filmi Kamânets-Podilskte “Brukivka” kinofestivalinde taqdim etildi

2018 senesi iyunniñ 22-de Kamânets-Podilskte “BRUKİVKA” ekinci Halqara kinofestivali çerçivesinde Ukraina haber siyaseti Nazirliginiñ smarışına çıqarılğan “Dâkuyu” qısqametrolı filmniñ temsil tedbiri ötkerildi.

Festivalniñ açılışında Halqara kommunikatsiya meselelerinden Haber siyaseti Naziriniñ mesleatçısı Marına Sobotük iştirak etti.
Neticede “Dâkuyu” filmi “eñ yahşı proyessional film” olaraq seyirciler simpatiyası prizini aldı.
Teşkilâtçılarnıñ sözlerine köre, “BRUKİVKA” kinofestivalinde iştirak etüvge 120 memleketten 3200-den ziyade qısqametrolı film berildi.
Hatırlatamız, iyunniñ 20-de “Dâkuyu” filmi Lisabonda Portugaliya Mustaqillik Sarayında taqdim etildi.
Bundan evel "Dâkuyu" qısqametrolı filmi Latviyadaki Rigada "Tourfilm Riga 2018" 11-ci turistik filmler Halqara festivalinde "Turistik yöneliş — Region" nominatsiyasında ekinci yerni aldı.
Bundan ğayrı, "Dâkuyu" Romaniyada er aylıq "Short to the point" halqara festivalinde "eñ yahşı montaj" nominatsiyasında ğalebe qazandı.
Hatırlatamız,"Dâkuyu" filmi Ukrainanı Yaponiya turistiniñ közünen meraqlı, musafirçen, özgün memleket kibi köre. Filmni HSN sımarışına "Best Friends Film" çıqarğan. "Dâkuyu" filmi artıq Tokio, Kiyev, Harkiv, Ostrog ve Lvivde taqdim etilgen.


Cedvel