Facebook Telegram Twitter Instagram YouTUBE


Baş saife  >  Derc  >  Haberler  >  25 Bozarğan ay 2018, 16:06

HSN Milliy Bayraq Kününe kommunikatsion kampaniyanı taqdim etti

2018 senesi iyunniñ 25-de “Ukrinform” haber agentliginde “Bayraq Kününe tedbirler keçirilmesi” adlı matbuat konferentsiyası ötkerildi.

Matbuat konferentsiyası vaqtında Ukraina haber siyaseti Nazirligi iyunniñ 26-na,  yani Milliy Bayraq Kününe umummiliiy kommunikatsion kampaniyanı taqdim etti..
Kampaniya bord ve sitilaytlarnen taqdim etilgen. Olar Kiyev vilâyetinde yerleştirilecek. Bundan ğayrı, umummilliy telekanallarda içtimaiy reklama olaraq videolevhalar yayınlanacaq.
“Artıq üç yıldan berli biz sistem olaraq Qırımnıñ informatsion reintegratsiyası çerçivesinde bu künni qayd etemiz. Evelsi kibi, bizim kampaniyamız “Eki bayraq - bir devlet” şiarı altında keçecek. Bu kommunikatsion kampaniyası ilhaq etilgen Qırımnen bağ saqlamağa imkân bere, anda ise qırımtatar bayrağı, ukrain bayrağı kibi, non grata olaraq tanıla”, - dep, qayd etti Ukraina haber siyaseti Naziriniñ Birinci muavini Emine Ceppar.
Matbuat konferentsiyasında Milliy Meclis reisiniñ muavini İlmi Ümerov ve “Qırımtatar resurs merkezi” cemaat teşkilâtınıñ idare başlığı Eskender Bariyev iştirak etti. Olar, Kiyev ve başqa Ukraina şeerlerinde Milliy Bayraq Künü qayd etilmesinden planlaştırılğan tedbirler aqqında aytıp berdi.
Hususan, yarın, iyunniñ 26-da, Ukraina paytahtında avtoprobeg, tantanalı yürüş, Mutaqillik Meydanında miting ve bayram kontserti ötkerilecek.

 


Cedvel