Facebook Telegram Twitter Instagram YouTUBE


Baş saife  >  Derc  >  Haberler  >  15 Bozarğan ay 2018, 13:06

HSN: Akmiyetçilerniñ kommunikatsion tasili kirsetilgen islâatlarnıñ keyfiyetini arttıracaq

Ukraina haber siyaseti Nazirliginiñ destegi ile Association4U Avropa Birliginiñ leyhasınen teşkil etilgen "Devlet hızmetçileri içün kommunikatsion alet" seminarlar seriyası yekünlendi.

HSN devlet kâtibi ve "Kommunikatsiynıy instrumentariy"niñ müelliflerinden biri olğan Artem Bidenko qayd etkenine köre, "eger daima, adiy ve qolay şekilde, islâatlarnen bağlı deñişmelerniñ manasını añlatsañ, neler ve nasıl etip deñişkenlerini kösterseñ, cemiyette bizim bugünki zamanımız ve avropalı kelecegimiznen bağlı doğru baqış şekillenecek".
Öz nevbetinde Haber siyaseti Naziriniñ muavini Dmıtro Zolotuhin qayd etkenine köre, "islâatlarnıñ menimseme ayrı devlet hızmetçileriniñ ayrı areketlerinen bağlı, yani olar öz areketleriniñ maqsatlarını ve areketleriniñ neticelerini añlatqanlarınen". "İçtimaiy media akimiyetçiler ve cemiyetni yaqınlaştırdı, onıñ içün devlet hızmetçileri olarnıñ er bir sözü ve areketi cemiyetnen izlengenini añlamaq kerek. Onıñ içün şimdi episi nazirlik hadimleri bazı kommunikatsion bilgiler alıp, islâatlar kirsetilmesinden tedbirlerni planlaştırğanda, cemiyet ihtiyaclarını nazarğa almaq kerek. "Association4U" teşkilâtından zenaatdaşlarımıznıñ sayesinde biz devlet hızmetçileri içün kommunikatsion tasil programmasını tizemiz ve yaqın zamanda onı beraberlikte taqdim etecekmiz", - dep qoştı o.

"Seminarlarnıñ pilot seriyası — leyha mütehassısları, halqara ekspertler ve kommunikatsiyalarnen oğraşqan devlet hızmetçileriniñ umumiy işi neticesi. Kommunikatsion planlarnen yevrointegratsion islâatlar kirsetilmesi boyunca tedbirler planlarınıñ bağına biz ayrı diqqat ayırdıq. Ümüt etemiz, birlikte işlep çıqarğa "Devlet hızmetçileri içün kommunikatsion alet" devlet müessiseleri ve cemiyet arasında er künlük qonuşunıñ tüzetilmesinde devlet hızmetçilerine yardım eter", - dep, qayd etti "Association4U" leyhasında kommunikatsion yöneliş reberi Lüdmıla Kosar.
Seminarlar vaqtında kommunikatsion aletleriniñ er bir 20 mevzusı boyunca nazariy derslerden ğayrı, devlet hızmetçileri praktik bilgiler aldı, hususan, islâatlar manasını añlayışlı tilnen añlatuv, jurnalistlernen bağ tizilüvi, adamlarnı islâat protsesslerde iştirak etüvge celp etüv, devlet müessiseleriniñ içtimaiy saifelerini alıp baruv, informatsion kampaniyalarnı işlep çıqaruv ve amelge keçirüv, cemiyet konsultatsiyalarını teşkil etüv, veb-saytnı vatandaşlarğa kerek olğan malümat menbaasına çevirüv ve ilâhre.


Cedvel