Facebook Telegram Twitter Instagram YouTUBE


Baş saife  >  Derc  >  Haberler  >  12 Bozarğan ay 2018, 14:06

HSN: Donbass şeerlerinde “Shodini” tasil programması başlana

2018 senesi iyunniñ 12-de “Ukrinform” haber agentoliginiñ matbuat merkezinde “Shodini: yañı tasilge 14 yıl” mevzusında matbuat konferentsiyası keçti.
Tedbir vaqtında Donetsk ve Lugansk vilâyetleriniñ 14 şeerinde “Shodini” tasil programmasınıñ başlanması ilân etildi. Programma talebeler, ocalar ve cemaat faalllerine tasil saasında leyhalarnı işlep çıqarmağa yardım etecek ve olarnıñ ameliy qullanılması içün para teminlemeycek.

“Bu leyha - bu, Ukraina Şarqında yaşağan balalar ve olarnıñ ocaları içün tasil leyhalarını yaratıp, olarnı amelge keçirmek içün bilgi almağa acayip imkândır”, - dep, qayd etti Ukraina haber siyaseti Nazirliginiñ Qırım ve Donbass haber reintegratsiyası sektorınıñ reberi Viktor Litvinov.
Programma iyunniñ 15-de Slovânskta başlanacaq ve Starobilsk, Severodonetsk, Lisiçansk, Rubijne, Bahmut, Kostântınivka, Tortsk, Drujkivka, Kramatorsk, Dobropil, Pokrovsk, Novogrod ve Mariupolde keçecek. Programma avgustnıñ 1-de bitecek.
Ğalipler teşebbsüleriniñ amelge keçirilmesi içün 25 biñ grivna alacaq. Bundan ğayrı, talebelerniñ eñ yahşı leyhaları “GoFundEd” kraudfanding platformasında para toplaması içün kampaniyalarnı başlay bile.
“Platforma Ukrainanıñ er bir köşesinden ocalar, talebeler ve cemaat teşkilâtlarına olarnıñ mektebi ya da teşkilâtı inkişafına baqtırılğan meraqlı ğayelerini yerleştirip, olarnıñ ömürge keçirilmesi içün faziletçiler tarafından para tapmağa imkân bere. Ukrainada eki yıl içinde 70 mektep teşebbüsi ömürge keçirilip, 2 mlg grivnadan ziyade para toplandı”, - dedi “Pro. Svit” cemaat teşkilâtınıñ ve “GoF” kraudfanding platformasınıñ başlığı Liliya Boorovets.
Programma Ukraina haber siyaseti Nazirliginiñ ve USAID tarfından parnen teminlengen,  “Zmitsnennâ gromadskoyi dovirı” leyhasınıñ destegi ile “Pro. Svit” cemaat teşkilâtınen ömürge keçirile.


Cedvel