Facebook Telegram Twitter Instagram YouTUBE


Baş saife  >  Derc  >  Haberler  >  11 Bozarğan ay 2018, 12:06

HSN milliy-patriotik terbiyelevden tasil programmasını başlay

2018 senesi iyunniñ 9-da "Ükrinform" haber agentliginni matbuat merkezinde Ukraina haber siyaseti Nazirligi yanında Studentler Şurasınıñ işi çerçivesinde teşkil etilgen "İnformatsion-tasil leyhaları kirsetilmesinde yaşlar birleştirilüvi" degen Bütünukraina studentler konferentsiyası keçti.

Tedbir iştirakçileri Ukraina aliy oquv yurtlarında milliy-patriotik terbiyelev tasil programması kirsetilmesiniñ teşebbüsçisi oldı. Bu yönelişte Nazirlikniñ tasil programmaları kirsetilmesi meselelerinden yañı tayinlengen mesleatçısı Volodımır Jemçugov çalışacaq.
"Volodımır Jemçugov öz areketlerinen kerçek vatanpereverlik ne olğanını tasdıqladı. Ağız yaralar ve esirlikten keçip, ruhunı ve memleketine hızmet etmege istegini coymadı. Bu adamnıñ yaşlarımızğa aytacağı çoq — em de, sadece milliy-patriotik teriyelev saasında degil. Endi o, bunı yañı vazifede becerecek", - dep bildirdi Ukraina haber siyaseti Naziri Yuriy Stets.

Programmağa Ukraina Şarqında Rusiye tecavuzcısına qarşı arbiy areketlerde iştirak etken arbiylerimiz de qoşulacaq. Programma yañı oquv yılından başlanacağı planlaştırıla.
HSN yanında Studentler şurasınıñ azaları ögünde çıqışnen bulunıp, V.Jemçugov qayd etti — yañı küçnen "ukraina yaşlarınıñ aqılı ve ruhı içün azatlıq cenkini" başlamağa azır.
"Qart adamlar hatıravlarnen yaşay, yaşlar ise — arzularnen. Özümni qart dep saymayım", — dep, qoştı o.
Hatırlatamız, Volodımır Jemçugov 2014 senesi dekabr ayından 2015 senesi sentâbr ayına qadar boyeviklerniñ ve işğalci ordusınıñ ayrı terkibini yoq etilüvden 30 mahsus operatsiya keçirdi. 2015 senesi sentâbrniñ 29d-a nevbetteki arbiy vazifeni becergende, duşmanlarnıñ qoluna tüşe yazğanda, özüni patlata. Neticede eki elini coya ve kör ola. Ağır yaralarnen esirlikke tüşe. 2016 senesi sentâbrniñ 17-de Ukraina Prezidenti Petro Poroşenkonıñ iştiragı ile esirlikten azat oluna. 2017 sensi yanvarniñ 21-de Ukraina Qaramanı unvanına nail oluna.


Cedvel