Facebook Telegram Twitter Instagram YouTUBE


Baş saife  >  Derc  >  Haberler  >  6 Bozarğan ay 2018, 16:06

HSN: "Ukraina-NATO. Telükesizlik formulası" sergisi Zaporijjâda açıldı

2018 senesi iyunniñ 5-de Zaporijjânıñ gençler vilet merkezinde Ukraina haber siyaseti Nazirligi desteginen teşkil olunğan, "Ukraina-NATO. Telükesizlik formulası" sergisiniñ açılışı keçti.

Sergini NATO informatsiya ve vesiqa Merkeziniñ müdiri Barbora Maronkova ve Ukraina haber siyaseti Naziriniñ strategik kommunikatsiyalardan baş mütehassıs Öleksandr Makobriy taqdim ettiler.
Studentlernen körüşüvde sergi açılışı esnasında O.Makobriy HSN faaliyetiniñ esas yönelişleri aqqında aytıp berdi, hususan, informatsion telükesizilik saasında. Bundan ğayrı, o, sovet ve rus akimiyetinen tarqatılğan NATO aqqında mifler ve stereotipler yoq etilmesi kerekligini qayd etti.
Tedbirde Zaporijjâ devlet vilâyet memuriyetiniñ baş muavini Ella Slepân, devlet vilâyet memuriyetiniñ tış munasebetler ve iqtisadiy faaliyet departamentiniñ başlığı Artur Boyko, TSİDN leyhalarınıñ reberi Svitlana Rotayenko, yerli akimiyet ve cemiyet vekiller, stedntler ve Zaporojye aliy oquv yurtlarınıñ ocaları iştirak etti.
Hatırlatamız, “Ukraina-NATO telükesizliginiñ formulası” sergisi Ukraina ve Şimaliy Atlantik añlaşmasınıñ Teşkilâtı arasında hususiy işbirlik aqqında Hartiya imzalanmasınıñ 20-cı yıllığına bağışlana. "Ukraina-NATO telükesizlik formulası" sergisi Ukraina haber siyaseti Nazirliginiñ ve Ukraina buhran media merkeziniñ destegi ile NATO-nıñ informatsiya ve vesiqa Merkezinen teşkil etilgen.


Cedvel