Facebook Telegram Twitter Instagram YouTUBE


Baş saife  >  Derc  >  Haberler  >  6 Bozarğan ay 2018, 14:06

HSN kiberucumlarğa qarşılıqtan ukrain-eston konsultatsiyalarında iştirak etti

2018 senesi iyunniñ 5-de Ukraina Tış işler Nazirliginde kibertelükesizlik quvetleşmesi saasında eki taraflı idarelerara birinci ukrain-eston konsultatsiyaları ötkerildi.

Taraflar kibertelükesizlik saasında zemaneviy tendentsiyalarnı, onıñ quvetleşmesinde esas mehanizmlerni ve devletlerara ilerideki işbirlik yönelişlerini muzakere ettiler.
Tedbir vaqtında Estoniya delegatsiyası ukraina tarafını kibertelükesizlik nezareti ve neytralizatsiyası, “dijital cemiyet” qurulışı, kibergigiyena, hususan devlet sektorında, kibi yönelişlerinde memleketiniñ irişimlerinen tanış etti.
Öz tarafından, Ukraina delegatsiyası, Estoniyadan kelgen zenaatdaşlarını kiberucumlarnıñ ayrı aspektlerinen tanış etti. BU kibercumler 2015-2018 seneleri devamında Rusiye Federatsiyası taarfından Ukrainanıñ elektron ve ükümet resurslarına qarşı işletile edi ve olar Ukrainağa qarşı melez cenkniñ esas elementlerinden biri oldı.
Bundan ğayrı, Ukraina tarafı yerli ve milliy saylavlar kesirilmesi vaqtında kibertelükesizlik teminlenilmesi saasında eston mütehassıslarınıñ yañı tecribesinen merağını bildirdi.
Konsultatsiyalarda Ukraina haber siyaseti Naziriniñ muavini Dmıtro Zolotuhin ve HSN strategik kommunikatsiyalar sektorınıñ başlığı Öleksiy Tarabukin iştirak ettiler.  
Qayd etemiz, tedbir Ukraina Prezidenti Petro Poroşenko ve Estoniya Prezidenti Kersti Kalyülayd arasında muzakereler vaqtında yapılğan añlaşmalar amelge keçirilmesi çerçivesinde keçti. Estoniya Prezidenti 2018 senesi mayısnıñ 22-24 Ukranağa resmiy ziyareti ile kelgen edi.


Cedvel