Facebook Telegram Twitter Instagram YouTUBE


Baş saife  >  Derc  >  Haberler  >  6 Bozarğan ay 2018, 09:06

D.Zolotuhin: Ukraina kibertelükesizlik saasında idarecilik qararına muhtac

2018 senesi iyunniñ 5-de Kiyevde "Cyber Defence Congress 2K18" halqara forumı çerçivesinde kibertelükesizlik saasında devlet siyaseti aqqında muzakere paneli keçti. Tedbir teşkilâtçıları arasında Ukraina haber siyaseti Nazirligi de bar edi. Sessiya açılışında çıqışta bulunğan Ukraina haber siyaseti Nazirliginiñ Devlet kâtibi Dmıtro Zolotuhin milliy kibertelükesizlik inkişafı boyunca effektiv idarecilik qararları qıdıruvında halqara tecribe közge alınması müimligini qayd etti.

"Zemaneviy tehnologiyalar ya da yüksek dereceli mütehassıslarnen problemlerimiz yoq. Esas meselemiz — bu, doğru idarecilik qararlarnıñ tapılmasıdır. Çünki kibertelükesizlik saası devlet akimiyeti organları, halqara ortaqlar, biznes ve grajdan cemiyeti celp etilmesinden sistem ve kompleks yanaşmalarda muhtac", - dedi o.
Nazir muavini profil toplulıqlar yaratılması kerkligini belgiledi. Çünki olar çerçivesinde episi meraqlanğan müessiseler effektiv derecede kommunikatsiya yapıp, tecribenen paylaşa bile.
Tedbirde OBSE temsilcileri. Halq deputatları, küç strukturalarınıñ hadimleri, şahsiy şirketlerniñ ve cemaat teşkilâtlarınıñ temsilcileri iştirak etti.
İştirakçiler kibertelükesizlik saasında ukrain devlet müessiseleriniñ potentsialı inkişafından leyhalarnı, şahsiy sektor resurslarınıñ kirsetilmesini, donor-teşkilâtlarnen işbirlikni, normativ-uquqiy baza tertipleştirilmesini, cemiyet savatlığı seviyesiniñ arttırılması, kritik infrastruktura obyektleriniñ qoruvı ve başqa meselelerni muzakere etttiler.
Hatırlatamız, 2018 senesi aprelniñ 26-da Mariupol devlet universitetinde "Ukraina milliy telükesizligi sistemasında kibertelükesizlik: inkişaf yönelişleri" adlı ilmiy tögerek masa keçti. Ukraina haber siyaseti Nazirligi tedbir teşkilâtçılarından biri oldı.


Cedvel