Facebook Telegram Twitter Instagram YouTUBE


Baş saife  >  Derc  >  Haberler  >  23 Qural ay 2018, 18:05

E.Ceppar: Qırımda mahsus informatsion operatsiyalar qullanılması ile melez cenk kete

2018 senesi mayısnıñ 22-de Vaşingtonda Ukraina haber siyaseti Naziriniñ Birinci muavini Emine Ceppar ve Qırımtatar halqı meselelerinden Ukraina prezidentiniñ Vekâletlisi Mustafa cemilev AQŞ Devlet departamentiniñ Demokratiya, insan aqqları ve emek meselelerinden Büro reberi, elçi Maykl Kozak ve Avropa ile Avrasiya meselelerinden AQŞ Devlet kâtibi Yardımcısınıñ muavini Bricit Brink ile körüştiler.

Ukraina tarafı amerikan zenaatdaşlarını Rusiyenen ilhaq etilgen ve mahsus informatsion operatsiyalar qullanımasınen melez cenk keçirilgen Qırımda insan aqqları bozulması aqqında haberdar etti.
"Rusiyeniñ propagandası, dünya toplulığınıñ diqqatını celp etmemek içün, Qırımda arbiy areketler yoqluğını qayd ete. Kreml milletçilik, faşistler, ekstremistler, terroristler ile küreşni körmege istegende - "uquqimayeci" denilgenler ilhaq etilgen yarımadada, elbette, öyle adamlarnı tapa", - dep qayd etti Emine Ceppar.

O, bir ay evelsi memuriy sıñırda qaçırılğan harkovlı Öleksandr Steşenkonı misal olaraq ketirdi. Onı FSB sanki Milliy Meclis sımarışına terrakt azırlağanı aqqında şaatlıq bermege mecbur etti.
"Mahsus uydurılğan körüniş, böyle etip çoq vazifeler keçirile: qorqu saqlana, Qırım sakinleri ise böyle qorquda artıq dört yıldan berli yaşay; "ekstremizm" ve "terrorizm" açıqlanmasınen, tış "duşman" ile küreşte uquqimayecileriniñ "effektiv" işi, ealiniñ diqqatını iç meselelerden başqa meselelerge celp etüv", - dep, qayd etti Haber siyaseti Naziriniñ Birinci muavini.
E.Ceppar qoşqanına köre, böyle etip işğalciler qırımtatar faallerine qarşı repressiyalardan, hususan, yaqın zamanda Server Mustafayev ve Edem Smailovnıñ tevqif etilmesinden bütün diqqatnı başqa şeylerge celp ettirmege istey.


Cedvel