Facebook Telegram Twitter Instagram YouTUBE


Baş saife  >  Derc  >  Haberler  >  18 Qural ay 2018, 16:05

E.Ceppar: Melez informatsion cenk diplomatlar azırlanmasına yañı yanaşmalarnı talap ete

2018 senesi mayısnıñ 17-de Ukraina haber siyaseti Naziriniñ Birinci muavini Emine Ceppar "Halaqara munasebetlerde intizam: nazariye, üslübiyet, ameliyat" halqara ilmiy simpoziumda iştirak etti. Tedbir Taras Şevçenko adına Kiyev Milliy Universitetiniñ halqara munasebetler İnstitutı binasında keçti.
"Melez cenkler, dünya telükesizlik sistemalarınıñ deñişmeleri şaraitinde kommunikatsiya pek müim. Halaqara munasebetler ve diplomatlarnıñ azırlanması yañı fenlerni kirsetip, intizam olmaq kerek. Strategik, ükümet kommunikatsiyaları, informatsiya ve köntentnen keyfiyetli iş — ukrain diplomatları azırlanması temiline qoyulacaq şeylerdir", - dep, qayd etti Emine Ceppar çıqışı vaqtında.

Tedbirde Halqara munasebetler institutınıñ müdiri Valeriy Köpiyka, Ukraina milliy akademiyasınıñ vitse-prezidenti Sergiy Pirojkov, Ukraina tış işler nazirliginiñ halq ögündeki diplomatiya idaresiniñ müdiri Anatoliy Solovey, Ukrainanıñ Müteşem ve Vekâletli Elçisi Öleksandr Küpçişin, Ukrainada İndistannıñ Müteşem ve Vekâletli Elçisi Kumar Bharti ve başqaları iştirak etti.


Cedvel