Facebook Telegram Twitter Instagram YouTUBE


Baş saife  >  Derc  >  Haberler  >  10 Qural ay 2018, 12:05

HSN: Ükümet Ukraina brendini tasdıqladı

Ukraina Nazirler Kabineti "Ukraine NOW" brendini tasdıqladı. Brend Ukraina haber siyaseti Nazirligi yanında Ukraina populârlaşması meselelerinden Komissiya işiniñ çerçivesinde ukrainalı "Banda" agentliginen yaratılğan. 

Brend dünyada Ukrainanı populârlaştırmaq içün temel olacaq. Onıñ logotipi onı tek prezentatsiyalar içün degil de, er bir şeylerge yarlıq olaraq işletmege mümkün olsun dep, yaratılğag. 

"Ükümet, Haber siyaseti Nazirligi ve ekspertler taqımı "Ukraina şimdi" brendiniñ yaratılması üzerinde çalıştı. İş yenünlendi. Bu, dünyada Ukrainanıñ brendi olacaq", - dedi Ukraina baş naziri Vladimir Groysman. 

Ukraina haber siyaseti Naziri Yuriy Stets HSN yanında Dünyada Ukraina populârlaşması meselelerinden İdarelerara komissiya çerçivesinde iştirak etken episi devlet organlarınıñ ve ekspertlerniñ effektiv işini qayd etti. "Açıq konkurs, fokus-gruppalar keçirilmesinden, reklam agentlikleriniñ kirsetilmesinden soñ biz keyfiyetli netice kördik, artıq onı tez ve çeşit taraflarda tarqatmaq ve ileriletmek kerek", - dep qoştı o.

Yaqın vaqıtta Haber siyaseti Nazirligi ükümetnen tasdıqlanğan timsalni qabul etmek kerek. "Bu brendniñ esasında modul brendbukı işlep çıqarılacaq, onen devlet organları, cemaat teşkilâtları, müessiseler qullana bilecek. Amma olar tehnikikiy standartlarnı becermeli. Böyleliknen, tüm dünyada Ukrainanıñ yekâne brendi tarqalacaq", - dep qayd etti Ukraina haber siyaseti Nazirliginiñ Devlet kâtibi Artem Bidenko.

Hatırlatamız, Ukrainanıñ yekâne brendbukı aqqında qarar 2018 senesi aprelniñ 20-de Ukraina haber siyaseti Nazirligi yanında dünyada Ukraina populârlaşması meselelerinden idarelerara komissiyanıñ 7-ci toplaşuvı neticesinde qabul etildi.


Cedvel