Facebook Telegram Twitter Instagram YouTUBE


Baş saife  >  Derc  >  Haberler  >  4 Qural ay 2018, 11:05

E.Ceppar AQŞ Devlet kâtibiniñ muavini V.Mitçell ile körüşti

2018 senesi mayısnıñ 2-de ukraina siyasetçileri Avropa ve Avrasiya meselelerinden AQŞ Devlet kâtibiniñ yardımcısı Ves Mitçell ile körüşüv keçirdiler. Tedbirde Ukraina haber siyaseti Naziriniñ Birinci muavini Emine Ceppar iştirak etti.

"Ves Mitçel Devlet departamentinde yetekçi Ukraina "adliyecilerinden" biri ola. Körüşüvde esas meleler arasında Qırım deokupatsiyası meselesi köterildi. Ve biz AQŞ tarafından Rusiyege qarşı sert tedbirlerniñ devam ettirilmesine ve quvetleşmesine ümüt etemiz. Er kes pek yahşı añlay — tecavuzcınen oyun oynamağa kerekmey", - dep, qayd etti E.Ceppar.

Körüşüvde milliy telükesizlik, Kreml siyasiy mabüsleriniñ azat etilmesi, saylav komissiyasınıñ yañartırması, qabarcılıq ile küreş, Ukraina-NATO Komissiyası işiniñ tüzetilmesi kibi meseleler muzakere etildi.
Ukraina tarafını Avropa ve Avropaatlantik integratsiya meselelerinden Vitse-Baş Nazir İvanna Klimpuş-Tsintsadze ve Ecnebiy işler meselelerinden Yuqarı Şura başlığı Ğanna Ğopko temsil ettiler.
E.Ceppar V.Mitçelge Sergiy Gromenkonıñ "KrımNaş. Rusiye mifiniñ ikâyesi" degen kitapnı bağışladı. Kitap Ukraina haber siyaseti Nazirliginiñ desteginen çıqarılğan.


Cedvel