Facebook Telegram Twitter Instagram YouTUBE


Baş saife  >  Derc  >  Haberler  >  27 Çiçek ayı 2018, 12:04

HSN: Lvivde Ukraina aqqında "Dâkuyu" filmi taqdim etildi

2018 senesi aprelniñ 26-da Lvivniñ Milliy agrar universitetinde "Dâkuyu" qısqa metrolıq filmniñ temsil tedbiri ötkerildi. Film Ukraina haber siyaseti Nazirliginiñ sımarışına çıqarılğan. Filmni Haber siyaseti Naziriniñ mesleatçısı Marına Sobotük taqdim etti.

Qısqametrolıq filmni baqıp, Ukraina ve ukrain tili populârlaşması yollarını muzakere etmege Lviv aliy oquv yurtlarınıñ tahminen 300 studenti keldi. .
"Biz episi informatsion auditoriyalarnı qaplap almaq içün, şimdi informatsion mahsullarnı işlep çıqaramız. Ukrain tilinde masallar — eñ kiçik seyirciler içün, tilge sevgi aqqında bediiy film — büyük sınıflarda oquğanlar ve studentler içün, atta tematik art-obyektler de bar. Esas maqsat — tuvğan tilge sevgi doğurmaq", - dep qayd etti M.Sobotük.
Hatırlatamız, yaqın vaqıtta "Dâkuyu" filmi Romaniyada "Short to the point" er aylıq halqara festivalde "eñ yahşı montaj" nominatsiyasında ğalebe qazanıp, Tokioda (Tokyo Lift-Off Film Festival  2018) ve Rigada (International Tourism Film Festival "Tourfilm Riga") keçecek halqara festivallerge resmiy saylavnı keçti. Umumen, film 100 festivalge yollanılğan.
Film Ukrainanı yapon turisti içün meraqlı, zengin, musafirçen, acayip manzaralı ve unutılmaycaq şeyerleri olğan memleket kibi köstere. Filmni HSN sımarışına Best Friends Film çıqarğan. "Dâkuyu" artıq Tokio, Kiyev, Harkov ve Ostrogta taqdim etilgen.


Cedvel