Facebook Telegram Twitter Instagram YouTUBE


Baş saife  >  Derc  >  Haberler  >  26 Çiçek ayı 2018, 18:04

HSN: "Ukraina-NATO Telükesizlik formulası" sergisi Hmelnitskiyde açıldı

Aprelniñ 26-da Hmelnitsk ticariy-sanayı palata binasında Ukraina haber siyaseti Nazirliginiñ destegi ile teşkil etilgen yerleşken "Ukraina-NATO. Telükesizlik formulası" sergisiniñ açlılışı keçti.

Sergini NATO informatsiya ve vesiqa Merkeziniñ müdiri Barbora Maronkova ve Ukraina haber siyaseti Nazirliginiñ Ukraina ileriletilmesi meselelerinden sektornıñ başlığı Volodımır Stavniçuk taqdim ettiler.
"Bizim esas maqsadımız — Ukrainanıñ episi regionlarında NATO ile işbirlik memleketimizniñ güzel keleceginiñ kefili olğanını tasdıqlamaqtır", - dep, qayd etti V.Stavniçuk.
Öz nevbetinde B.Maronkova qayd etkenine köre, sovet propagandası NATO — duşman olğanını bildire edi ve bunı deñiştirmege kerek. "Kerçek aytqanda, NATO — u, umumiy telükesizlikke yoldır", - dep qoştı o.
Sergi açılışında Hmelnitsk vilâyet-devlet memuriyetiniñ ve yerli organlarnıñ vekilleri, cemaatçılıq vekilleri ve studentler iştirak etti. Tedbirni Hmelnitsk ticariy-sanayı palatasınıñ prezidenti Nataliya Belâkova moderatsiya etti.
Hatırlatamız, “Ukraina-NATO telükesizliginiñ formulası” sergisi Ukraina ve Şimaliy Atlantik añlaşmasınıñ Teşkilâtı arasında hususiy işbirlik aqqında Hartiya imzalanmasınıñ 20-cı yıllığına bağışlana. "Ukrayina-NATO telükesizlik formulası" sergisi Ukraina haber siyaseti Nazirliginiñ ve Ukraina buhran media merkeziniñ destegi ile NATO-nıñ informatsiya ve vesiqa Merkezinen teşkil etilgen.


Cedvel