Facebook Telegram Twitter Instagram YouTUBE


Baş saife  >  Derc  >  Haberler  >  21 Çiçek ayı 2018, 13:04

E.Ceppar KİA-nıñ "qırımtatar gumanitarstikası" sektsiyasınıñ azaları olğan talebelernen körüşti

2018 senesi aprelniñ 20-de "Ükrinform" haber agentliginiñ "Art Hub"ında qırımtatar liderleri Ukrainanıñ Kiçik ilimler Akademiyasınıñ azaları olğan talebelernen körüşti. Tedbir Ukraina haber siyaseti Nazirliginiñ destegi ile teşkil olundı.

Ukraina haber siyaseti Naziriniñ Birinci muavini Emine Ceppar, Milliy Meclis reisiniñ muavini İlmi Ümerov ve Ukraina medeniyeti Naziriniñ muavini Esma Aciyeva talebelernen dostane müitte subet keçirip, aprelniñ 22-de olacaq ilmiy-araştırıcı işlerniñ qorçalavında muvafaqiyetler tiledi. 

"Bu sene ilk sefer Kiçik ilimler akademiyasında qırımtatar tarihı ve medeniyeti mevzusına ayrı bloknen genç araştırıcılarımıznıñ işleri taqdim etilecek. Ümüt etemiz, konkurs rezultatlarına baqmadan, talebelerniñ ilmiy-araştırıcılıq faaliyeti kelecekte de inkişaf etecek", - dep qayd etti Haber siyaseti Naziriniñ Birinci muavini.
Hatırlatamız, 2017 senesi dekabr ayında "Alem" cemaat teşkilâtı ve "Kiçik ilimler akademiyası" Milliy merkezi "Qırımtatar gumanitaristikası" sektsiyasınıñ yaratılması boyunca añlaşma tizdiler. Sektsiya çerçivesinde Qırımdan köçip kelgen talebeler medeniyetşınaslıq, sanatşınaslıq, tarih ve til yönelişlerinde ilmiy işlerini qorçalamağa imkân alacaq.


Cedvel